ހުޅުމާލޭ ފޭސް 2 އަކުން މާލެއަށް ސީދާ ބަސްދަތުރުތައް ފަށައިފިއެވެ.
މިއަދުން ހެނދުނު ހިދުމަތް ފެށީ ކޮންމެ ގަޑިއިރަކުން ބަސް ދަތުރެއް ފޭސް ދޭކުން ސީދާ މާލެއަށް ކުރާ ގޮތަށެވެ. ނަމަވެސް މިއަހަރުގެ ޖުލައި މަސް ނިމުމުގެ ކުރިން ކޮންމެ 15 މިނެޓަކުން ބަސް ދަތުރުތައް ކުރިއަށް ގެންދަން އެމްޓީސީސީން ވަނީ ނިންމާފައެވެ.
ހުޅުމާލޭ ފޭސް ދޭއްގައި އިތުރުވަމުންދާ އާބާދީއާއެކު އެމް.ޓީ.ސީ.ސީން މިހާރު މިވަނީ ހުޅުމާލޭ ފޭސް 2އިން މާލޭއަށް ސީދާ ބަސްދަތުރުތައް ކުރާގޮތަށް ނިންމާފައެވެ. މިކަމާއި ގުޅޭގޮތުން އެމް.ޓީ.ސީ.ސީގެ ސީ.އީ.އޯ އާދަމް އާޒިމް ކުރެއްވި ޓުވީޓެއްގައި ވިދާޅުވީ، މާރިޗު 2 އިން ފެށިގެން މާލެއާއި ހުޅުމާލެއާއި ދެމެދު ޑައިރެކްޓް ބަސްދަތުރުތައް އޮންނާނެކަމަށެވެ. އަދި އެ ރޫޓުގައި ބަސްތައް ދަތުރުކުރާނީ ޓްރެފިކަށް ބަލާ ކޮންމެ ގަޑިއިރަކުން ކަމަށާއި، ނަމަވެސް އަންނަ ޖުލައިމަސް ނިމެންވާއިރަށް ބަސްދަތުރުތައް 15 މިނެޓަށް ބަދަލުވާނެކަމަށް އާޒިމް ވިދާޅުވިއެވެ.
We are delighted to commence the Route 7, direct bus from Hulhumale' Phase 2 to Male'. Kindly be informed that the inter-connecting bus from Phase 1 to Phase 2 will also proceed as scheduled.#MTCCTransport #RayyithungeKunfuni pic.twitter.com/mFbyUOKyZS
— MTCC Plc (@MTCCPlc) March 2, 2022
ގްރޭޓަރ މާލޭ ސަރަޙައްދުގައި ބަހުގެ ޚިދުމަތް ދޭ ރޫޓުގެ ތެރެއިން ހުޅުމާލޭ ދެވަނަ ފިޔަވަހިން ސީދާ މާލެއަށް އަދި މާލެއިން ސީދާ ހުޅުމާލޭ ދެވަނަ ފިޔަވައްސަށް ދަތުރުކުރެވޭނެ ގޮތް އަދި ހަމަޖެހިފައެއް ނުވެއެވެ. މިވަގުތު އެ ދަތުރުތައް ކުރަނީ މާލެއިން ހުޅުމާލޭގެ ފުރަތަމަ ފިޔަވަހީގެ ވަކި ބަސް ސްޓޮޕްތަކަކަށް ފޭބުމަށްފަހު އެތަނުން ދެވަނަ ފިޔަވައްސަށް ދާން އިތުރު ބަހަކަށް އަރައިގެންނެވެ. އަދި ދެވަނަ ފިޔަވަހިން މާލެއަށް ވެސް ދަތުރުކުރަނީ އެގޮތަށެވެ.
ހިޔާ ފްލެޓް ހިމެނޭ ސަރަޙައްދަށް ކޮންމެ ދުވަހެއްގެ ހެނދުނު 5:45 އިން ފެށިގެން ރޭގަނޑު 12:15އާ ހަމައަށް އެމް.ޓީ.ސީ.ސީން ބަސް ދަތުރުތައް އަންނަނީ ބާއްވަމުންނެވެ. ނަމަވެސް ހުކުރު ދުވަހު ހެނދުނު 11:45 އިން މެންދުރު 13:45 ދަތުރުތައް މެދުކަނޑާލައެވެ.
ކޮމެންޓު ފޮނުވާ