ކުރިއަށް އޮތް އެމްޑީޕީގެ ޤައުމީ މަޖިލީހުގެ އިންތިޚާބުގައި އެމްޑީޕީގެ އަންހެނުންގެ ރޫހުގެ ރައީސްގެ މަޤާމަށް އިންތިޚާބުގައި އާންމު މެމްބަރުންގެ ވޯޓު ހޯދަން ބޭނުންވަނީ ނަފްރަތު އުފައިގެން ނޫންކަމަށް މިމަޤާމަށް ވާދަކުރައްވާ އައްޑޫ މީދޫ ދާއިރާގެ މެމްބަރު ރޮޒޭނާ އާދަމް ވިދާޅުވެއްޖެއެވެ.
އެމްޑީޕީގެ އަންހެނުންގެ ރޫހުގެ ރައީސްގެ މަޤާމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެންބަރު ރޮޒައިނާ އާދަމާއި، އެމްޑީޕީގައި ހަރަކާތްތަކުން އިސްކޮށް ފެންނަ މެންބަރެއްކަމަށްވާ ސަފާއަތު އަޙްމަދު ޒާހުރު ވާދަކުރެއްވުމަށް އިއުލާންކޮށް ދަނީ ފޯރީގައި ކެމްޕެެއިން ކުރައްވަމުންނެވެ.
މިއިންތިޚާބުގައި އެމްޑީޕީގެ ޗެއާޕާސަންގެ މަޤާމަށް ވާދަ ކުރައްވާ އިކޮނޮމިކް މިނިސްޓަރ ފައްޔާޒު އިސްމާއިލާއި، ރޮޒޭނާއަށް ނިސްބަތްކޮށް، ވައްކަމާއި، ނުފޫޒުގެ އެތައް ތުހުމަތެއް ކޮށްފައިވާ ޕޯސްޓެއް ހިއްސާކުރައްވާ ރޮޒޭނާ ވިދާޅުވީ، މިއީ އޭނާއަށް ތާއީދުކުރައްވާ އެއްވެސް ބޭފުޅަކު އަމަލު ކުރަން އެދޭ ގޮތެއް ނޫންކަމަށެވެ. ކުރިއަށް އޮތް ތަނުގައިވެސް މަސައްކަތް ކުރަންޖެހެނީ އެކީގައި އެއް އަމާޒަކަށްވާއިރު، ނަފްރަތު އުފައްދައިގެން ވޯޓު ހޯދަން މަސައްކަތް ނުކުރާނެކަމަށް ރޮޒޭނާ ވިދާޅުުވިއެވެ.
އަޅުގަނޑު ވަރަށް ބޮޑަށް އެދުމެއް އަޅުގަނޑަށް ތާއީދު ކުރައްވާ އެއްވެސް ބޭފުޅަކު އެހެން ކެނޑިޑޭޓަކާއި މެދު މިފަދަ ހުތުރު ދޮގު ވާހަކަ ފަތުރައިގެން އެނެޓި-ކެމްޕެއިން ނުކުރުމަށް. މީހުސް އެމްޑީޕީގައި އެކީގައި ވޯކް ކުރަން ތިބި މީހުން. އަޅުގަނޑު ވޯޓު ބޭނުމީ ލޯބިން. ނަފްރަތު އުފައްދައިގެން ނޫން.
– ރޮޒޭނާ ވިދާޅުވިއެވެ.
Alhuganduge v bodu edhumeh alhugandah thaaeedhu kuravvaa evves beyfulheh ehen candidate akaa medhu mifadha huthuru dhogu vaahaka fathuraigen anti-campaign nukurevvumah. Meehus MDP ga ekeega work kuran thibi meehun.
Alhugandu vote beynumee loabin. Nafrathu ufahdhaigeneh noon. pic.twitter.com/ROFoWJyYhF— ???????? ???????????????????????????? ???????????????? ???? (@Roxeyna) February 16, 2022
އެމްޑީޕީގެ ގިނަ މަޤާމުތަކަށް މެންބަރުން އައްޔަންކުރުމަށް ބާއްވާ އިންތިޚާބަށް ވަނީ ވާދަވެރިކަން ބޮޑުވެފައެވެ. އެންމެ ވާދަވެރިކަން ބޮޑީ އެމްޑީޕީގެ ޗެއަރޕާސަންގެ މަޤާމެވެ. އެމަޤާމަށް އިންތިއާއި، މިނިސްޓަރ ފައްޔާޒު ވާދަކުރައްވާއިރު، މިދެބޭފުޅުންނަށް ތާއީދު ކުރައްވާ އެމްޑީޕީގެ މެމްބަރުންގެ މެދުގައިވެސް ދަނީ ބަހުގެ ހޫނު ހަމަލާތައް ބަދަލު ކުރަމުންނެވެ.
ޗެއަރޕާސަންގެ އިންތިޚާބާއި، އަންހެނުންގެ ރޫހާއި ޒުވާނުންގެ ހިތްވަރުގެ އިންތިޚާބު އަންނަ އޭޕްރީލް މަހުގެ 16ގައި ބޭއްވުމަށް ހަމަޖެހިފައިވާއިރު، އިންތިޚާބަށް އިއްޔެ ވަނީ ހުޅުވާލާފައެވެ.
