"365 ޑޭސް" އިން އަންހެން ކުދިންގެ ހިތްތައް ކަތިލި، އިޓަލީގެ އެކްޓަރ އަދި ލަވަކިއުންތެރިޔާ މިކޭލް މޮރޯނީ އާއި ބޮލީވުޑް އެކްޓްރެސް ޖެކޮލިން ފެނާންޑޭޒް އެކުގައި ކުޅެފައިވާ ލަވަ "މުޅު މުޅު ކޭ"ގެ ޓީޒާއެއް ބެލުންތެރިންނަށް ދޫކޮށްލައިފިއެވެ.
މިއީ މޮރޯނީ ބޮލީވުޑުގައި މަސައްކަތްކުރި ފުރަތަމަ ފަހަރެވެ. މިދިއަ އަހަރު މި ޕްރޮޖެކްޓް އިއުލާން ކުރިނަމަވެސް މި ދެމީހުން އެކުގައި ފެނިގެންދަނީ ލަވައަކުން ކަމެއް ހާމަކޮށްފައެއް ނުވެއެވެ.
މީގެ ކުރިން މޮރޯނީ ބުނެފަިއވާ ގޮތުގައި އޭނާ ބޮލީވުޑުގައި ވެސް މަސައްކަތް ކުރަން ބޭނުންވެއެވެ. އަދި ހިތްހަމަ ޖެހޭ ކަހަލަ މަސައްކަތެއް ލިބިއްޖެނަމަ ކުރާނެ ކަމަށްވެސް ބުނެފައި ވެއެވެ.
މި ލަވައިގެ ޕޯސްޓަރެއްވެސް ވަނީ މީގެ ދެދުވަހެއް ކުރިން ދައްކާލައިފައެވެ.
View this post on Instagram
ޓީޒާ އިން ފެންނަ ގޮތުގައި ލަވާގައި ރޮމެންސާއި ނެށުމާއި އެއްވަރަށް އެކްޝަން މަންޒަރުތައްވެސް ފެނިގެންދާނެއެވެ. މި ލަވަ ކިޔާފައިވަނީ މަޝްހޫރު ލަވަކިއުން ތެރިއާ ނޭހާ ކައްކަރާއި ކޮއްކޮ ޓޯނީ ކައްކަރެވެ. ލަވައިގެ މިއުޒިކްވެސް ހަދާފައިވަނީ ޓޯނީއެވެ. އަދި ކޮރެއޮގްރާފް ކޮށްދިނީ ޝަކްތީ މޯހަންއެވެ.
މިހިރް ގުލާޓީ ޑައިރެކްޓް ކޮށްފައިވާ މި ލަވަ ނެރުމަށް ހަމަޖެހިފައިވަނީ މި މަހުގެ 12 ވަނަ ދުވަހުއެވެ. މި ލަވަ ނެރުމަށް ހަމަޖެހިފައިވަނީ "ދޭސީ މިއުޒިކް ފެކްޓްރީ" ގެ އޮފިޝަލް ޔޫޓިއުބް ޗެންލުންނެވެ.
