ރައްޔިތުންގެ މަޖިލިހުގެ ކޮމަންޑޫ ދާއިރާގެ ބައި އިލެކްޝަންގައި އިދިކޮޅު އެންމެ ބޮޑު ޕާޓީ، ޕީޕީއެމްގެ ކެނޑިޑޭޓް ބަލިކޮށް ސަރުކާރު ކޯލިޝަންގެ އެންމެ ބޮޑު ޕާޓީ އެމްޑީޕީގެ ކެނޑިޑޭޓް ކާމިޔާބުކޮށްފިއެވެ.
ގޮނޑި ކާމިޔާބު ކުރެވުމާއެކު، ކޮމަންޑޫ ދާއިރާގައި ރާޝިދުގެ ސަޕޯޓަރުން ދަނީ އުފާ ފާޅު ކުރަމުންނެވެ.
ގޮނޑި ކާމިޔާބު ކުރެއްވި ރާޝިދު އެންމެ ފަހުން ހުންނެވީ ފޯކައިދޫ ކައުންސިލްގެ ސެކްރެޓަރީ ޖެނެރަލްއަކަށެވެ. ފޯކައިދު އަށް އުފަން ރާޝިދަކީ މިދިޔަ ތިން ދައުރުގައި އެ ރަށު ކައުންސިލްގެ ރައީސްގެ މަގާމު ވެސް ފުރުއްވި ބޭފުޅެކެވެ.
އިންތިޚާބިގެ ވަގުތީ ނަތިޖާ ދައްކާ ގޮތުން، ހުރިހާ ވޯޓު ފޮއްޓަކުން އެމްޑީޕީގެ ކެނޑިޑޭޓު މުހައްމަދު ރާޝިދަށް 1401 ވޯޓު ލިބުނުއިރު، ޕީޕީއެމްގެ ކެނޑިޑޭޓު ފަތުހީއަށް ލިބިފައިވަނީ 1161 ވޯޓެވެ. އަދި އެމްއެންޕީގެ ކެނޑިޑޭޓު ހަންނާނު އިދުރީސަށް ލިބިފައިވަނީ 323 ވޯޓެވެ.
ވޯޓުލުމުގެ ހައްގު ލިބޭ އަދަދު
- ޖުމްލަ އަދަދު: 3،309
- ކޮމަންޑޫ: 1،409
- ފޯކައިދޫ: 1،204
- މަރޮށި: 703
- ރީރިޖިސްޓްރޭޝަނަށް ފަހު: 3،316
މި އިންތިޚާބު ކުރިޔަށް ގޮސްފައިވަނީ ވަރަށް ވާދަވެރި އިންތިޚާބެއްގެ ގޮތުގައެވެ. މިގޮތުން އިންތިޚާބުގައި ވާދަކުރި ކެނޑިޑޭޓުންނަށް ތާޢީދު ހޯދުމަށް، އިންތިޚާބުގައި ވާދަކުރި ކެނޑިޭޓުން ނިސްބަތްވާ ޕާޓީތަކުގެ ލީޑާރޝިޕްތަކުން ދާއިރާތަކުގައި ގިނަގުނަ މަސައްކަތްތަކެއް ކޮށްފައިވާކަން ފާހަގަ ކޮށްލެވެއެވެ.
