2022 ވަނަ އަހަރުގެ ވިންޓަރ އޮލިމްޕިކްސް ރަސްމީކޮށް ޗައިނާގެ ވެރިރަށް ބެއިޖިންގގައި ފަށައިފިއެވެ. މިފަހަރުގެ ވިންތަރ އޮލިމްޕިކްސްގައި 91 ޤައުމަކުން 3000 އެތުލީޓުން ބައިވެރިވާނެއެވެ.
މިފަހަރުގެ މުބާރާތުގައި ހަތް ކުޅިވަރަކުން 109 ގޯލް މެޑަލް ހާސިލް ކުރުމުގެ ފުރުސަތު ހުޅުވިފައެވެ. ވިންޓަރ އޮލިންޕިކްސް ހުޅުވުމުގެ ރަސްމިއްޔާތު މިއަދު އޮތް ނަމަވެސް މިމުބާރާތުގެ ކުޅިވަރުތައްވަނީ ބުދަ ދުވަހު ފަށާފައެވެ. މިގޮތުން އެންމެ ފުރަތަމަ ފަށާފައިވަނީ މިކްސް ޑަބަލްސް ކަރލިންގއިންއެވެ.
24 ވަނަ ވިންޓަރ އޮލިމްޕިކްސް ކުޅިވަރު މުބާރާތާއި ގުޅޭގޮތުން ޗައިނާގެ ރައީސް އިއްޔެ ވިދާޅުވީ މިމުބާރާތާއެކު ދުނިޔޭގެ ލޯތައް ޗައިނާއަށް އަމާޒު ވެއްޖެ ކަމަށާއި އަދި ޗައިނާއޮތީ މިކަމަށް ފުރިހަމައަށް ތައްޔާރަށް ކަމަށެވެ. ބެއިޖިންގ ވެފައިވަނީ ސަމަރ އާއި ވިންޓަރ އޮލިމްޕިކް ގޭމްސް ބާއްވާ ފުރަތަމަ ސިޓީއަށް. މީގެ 14 އަހަރު ކުރިން، 2008 ވަނަ އަހަރުގެ ސަމަރ އޮލިމްޕިކްސް މުބާރާތްވެސް ވަނީ ބެއިޖިންގ ގައި ބާއްވާފައެވެ.
The Olympic Flame is a symbol of tolerance, solidarity and hope.
I was honoured to join the Olympic Torch Relay for the Olympic Winter Games #Beijing2022
I call on everyone to come together to cherish the Olympic ideals of friendship, respect and excellence. pic.twitter.com/4PM5x3Pzxb
— Abdulla Shahid (@abdulla_shahid) February 4, 2022
ވިންޓަރ އޮލިމްޕިކް ގޭމްސްގެ ދަންމަރު ހިއްޕަވައިގެން ރާއްޖޭގެ ޚާރިޖީ ވަޒީރު އަދި އދ.ގެ އާންމު މަޖިލީހުގެ ރައީސް ޝާހިދު ވެސް ވަނީ ދުވެވަޑައިގެންފައެވެ. އދގެ އާންމު މަޖިލީހުގެ ރައީސް ޝާހިދު ވިދާޅުވީ މި ރަސްމިއްޔާތުގައި ބައިވެރިވެވަޑައިގަތުމުގެ ފުރުޞަތު ލިބުމަކީ އެމަނިކުފާނަށް ލިބިވަޑައިގެންނެވި ވަރަށް ބޮޑު އުފަލެއްކަމަށެވެ. އދގެ އާންމު މަޖިލީހުގެ ރައީސް އޮލިމްޕިކްސް ހުޅުވުމުގެ ރަސްމިއްޔާތުގައި ބައިވެރިވެފައިވާއިރު، އޮލިމްޕިކް ސުލްހައިގެ އެއްބަސްވުމަށް ޤައުމުތަކުން ދޭ އަހަންމިއްޔަތުކަން ދައްކައިދިނުމަށް އެމަނިކުފާނު ވަނީ އދގެ މެމްބަަރު ޤައުމުތަކަށް އިލްތިމާސްކުރައްވާފައެވެ.
މިފަހަރުގެ ވިންޓަރ އޮލިމްޕިކްސް މުބާރާތުގެ ކުޅިވަރުތައް ކުރިއަށް ގެންދިއުމަށް ހަމަޖެހިފައިވަނީ ތިން ކްލަސްޓަރއެއްގެ ތެރެއިންނެވެ. މިގޮތުން ބެއިޖިންގ ގައި ބޭއްވުމަށް ހަމަޖެހިފައިވަނީ އިންޑޯ އިވެންޓްތަކެވެ. މީގެތެރޭގައި ހިމެނެނީ ކަރލިންގ، ސްޕީޑް ސްކޭޓިންގ، ފިގަރ ސްކޭޓިންގ އަދި އައިސް ހޮކީއެވެ. މީގެއިތުރުން ބިގް އެއަރ އާއި ގޭމްސްގެ ހުޅުވުމުގެ ރަސްމިއްޔާތާއި ނިންމުމުގެ ރަސްމިއްޔާތު ބޭއްވުމަށް ހަމަޖެހިފައިވަނީވެސް ބެއިޖިންގައެވެ.
މިފަހަރުގެ މުބާރާތުގައި އެންމެ ބޮޑު ސްޕޮޓްސް ކޮންޓިންގޖެންޓެއް ބައިވެރި ކޮށްފައިވަނީ އެމެރިކާއިންނެވެ. މިގޮތުން އެމެރިކާގެ ކޮންޓިންގޖެންޓްގައި 224 އެތުލީޓުން ހިމެނޭއެވެ. ދެވަނައަށް އެންމެ ގިނައީ ކެނެޑާއެވެ. އެޤައުމުން 215 އެތުލިޓުން ހިމެނޭ. ބައިނަލްއަޤްވާމީ މުބާރާތްތަކުގައި ރަޝިއާއަށް ބައިވެރި ނުވެވޭތީ ރަޝިޔާގެ އެތުލީޓުން ބައިވެރިވަނީ ރަޝިއަން އޮލިމްޕިކް ކޮމިޓީގެ ނަމުގައެވެ. މިގޮތުން 212 އެތުލީޓުން އާރުއޯސީގެ ދަށުން ބައިވެރިވެއެވެ. ތަހަރުވަނައިގާ ޗައިނާ 174 އެތުލިޓުންނާއެކު އުޅޭއިރު ސްވިޓްޒަލަންޑް ފަސްވަނައިގައި އޮތީ 167 އެޓުލީޓުންނާއެކުގައެވެ. މިފަހަރުގެ ގޭމްސްގައި ބައިވެރިވާ 91 ޤައުމުގެ ތެރެއިން 17 ޤައުމަކުން އެއް އެތުލީތުވެސް ބައިވެރިކޮށްފައިވެއެވެ.
