ހުޅުމާލޭގައި ދިވެހި އަންހެނަކާ ގަދަކަމުން ޖިންސީ އަމަލު ހިންގައި، ރޭޕްކުރި މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ އެ މައްސަލަ ރިޕޯޓް ކޮށްފައިވަނީ މިދިޔަ ހަފްތާގެ އާދިއްތަ ދުވަހު ކަމަށާއި މައްސަލަ ބަލަމުންދާ ކަމަށެވެ. އެ މައްސަލާގައި ތުހުމަތުކުރެވޭ އުމުރުން 43 އަހަރުގެ މީހާ ވަނީ މިދިޔަ ހަފްތާގެ އަންގާރަ ދުވަހު ހައްޔަރުކޮށްފައެވެ.
އޭނާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އެންމެ ފުރަތަމަ ދިން ފަސް ދުވަސް ހަމަވުމުން އޭނާގެ ބަންދަށް މިދިޔަ ހޯމަ ދުވަހު ކޯޓުން ވަނީ އިތުރު ފަސް ދުވަސް ވެސް ދީފައެވެ.
ބަންދު އަމުރުގައިވާ ގޮތުން ތުހުމަތުކުރާ މައްސަލައާއި ގުޅޭ އެކަށީގެންވާ ހެކި ހުރީ ކޯޓަށް ހުށަހަޅާފައެވެ. ފުލުުން ބުނެފައިވަނީ މިމައްސަލަ އިތުރަށް ތަހުގީގް ކުރަމުންދާކަމަށެވެ.
