ކޮމަންޑޫ ދާއިރާގެ ބައި އިލެކްޝަންގައި މޯލްޑިވްސް ނެޝަނަލް ޕާޓީގެ ފަރާތުން ވާދަކުރަނީ ކޮމަންޑޫ ދާއިރާގެ ރައްޔިތުންގެ ހުވަފެންތައް ހަގީގަތަކަށް ހެދުމަށް ކަމުގައި އެމްއެންޕީގެ ރައީސް ކާނަލް ރިޓަޔާރޑް މުހައްމަދު ނާޒިމް ވިދާޅުވެއްޖެއެވެ.
ރައްޔިތުންގެ މަޖްލިސްގެ ކޮމަންޑޫ ދާއިރާގެ ބައި އިލެކްޝަންގައި މޯލްޑިވްސް ނެޝަނަލް ޕާޓީގެ ފަރާތުން ވާދަކުރައްވާ ކެންޑިޑޭޓް އަބްދުލް ޙަންނާން އިދުރީސްގެ މާލެ ކެމްޕޭން ޖަލްސާގައި ބޭއްވި ފޯރިގަދަ ޖަލްސާގައި ވާހަކަ ދައްކަވަމުން އެމްއެންޕީގެ ރައީސް ކާނަލް ރޓޑ މުހައްމަދު ނާޒިމް ޖަލްސާގައި ވާހަކަފުޅު ދައްކަވަަމުން ވިދާޅުވީ ކޮމަންޑޫ ދާއިރާގެ ބައި އިލެކްޝަނަށް އެމްއެންޕީއިން ނިކުތީ ދާއިރާގެ ރައްޔިތުންގެ ހުވަފެންތައް ހަގީގަތަކަށް ހެދުމުގެ މަގްސަދުގައިކަމަށެވެ. ކޮމަންޑޫގެ ރައްޔިތުން އެންމެ ބޭނުންވަނީ އިގްތިސާދީ ނަފާ ރަށުގައި ތިބެގެން ހޯދުމަށް ކަމަށެވެ. ނަމަވެސް މިފަދަ ފުރުސަތުތަކެއް ދާއިރާގެ ރައްޔިތުންނަށް ފަހިވެފައި ނުވާކަމަށެވެ.
ކޮމަންޑޫ ދާއިރާގެ އެމްއެންޕީގެ ކެންޑިޑޭޓް އަބްދުލް ޙަންނާން އިދުރީސްގެ ވާހަކަފުޅުގައި ވިދާޅުވީ ކޮމަންޑޫ ދާއިރާގައި ގެސްޓްހައުސް ވިޔަފާރީ ތަރައްގީ ކުރުމާއި ދަނޑުވެރިކަން ކުރިއެރުވުމަށް ބިން ދޫކުރުމަކީ ޙަންނާންގެ ތަސައްވަރެއް ކަމަށެވެ. ދާއިރާގެ ޒުވާނުންނަށް ނަފާ ހޯދުމަށް ފަސޭހަ ގޮތެއްގައި ލޯނު ހަމަޖައްސައިދިނުމަކީ ޙަންނާންގެ އެންމެ ބޮޑު ވައުދުގެ ގޮތުގައި ވަނީ ސިފަކޮށްފައެވެ.
ޖަލްސާގައި ވާހަކަ ދައްކަވަމުން އެމްއެންޕީގެ ނައިބު ރައީސް ސިދާތާ ޝަރީފްއެވެ. އެކަމަނާގެ ވާހަކަފުޅުގައި ވަނީ ސަރުކާރަށް ވަރަށް ބެޑަށް ފާޑު ވިދާޅުވެފައެވެ. އެކަމަނާގެ ވާހަކަފުޅުގައި ވަޒީފާގެ ބިރު ދައްކައިގެން ވޯޓަށް ނުފޫޒުފޯރުވުން ހުއްޓާލުމަށް ވަނީ ގޮވާލާފައެވެ. މީގެ އިތުރުން ސަރުކާރުގެ ފަރާތްތަކުން ކޮމަންޑޫ ދާއިރާގެ ތިން ރަށަށް ގޮސް ދައްކާ ވާހަކަ ބަލައި ނުގަތުމަށް އެކަމަނާ ވަނީ އިލްތިމާސްކޮށްފައެވެ.
ކުރީގެ މައްޗަންގޯޅި ދެކުނު ދާއިރާގެ މެންބަރު އަބްދުﷲ ސިނާން ވިދާޅުވީ ކޮމަންޑޫ ދާއިރާގެ ރައްޔިތުން ބޭނުންވާ ކަންކަން ފުރިހަމަކޮށްދެވޭނޭ ހަމައެކަނި ކެންޑިޑޭޓްޓަކީ ޙަންނާން ކަމަށެވެ. އިތުރަށްވާހަކަ ދައްކަމުން ސިނާން ވިދާޅުވީ ކޮމަންޑޫ ދާއިރާގެ މަސްވެރިންނަށް ދިމާވެފައިވާ އައިސް ލިބުމުގެ ދަތިކަމަށް 20 އަހަރުވީއުރުވެސް ހައްލެއް ލިބިފައި ނުވާކަމަށެވެ.
ޙަންނާންގެ ކެމްޕޭން މެނޭޖަރު އަދި ތިމަރަފުށީ ދާއިރާގެ މެންބަރު އަބްދުﷲ ރިޔާޒް ވާހަކަފުޅު ދައްކަވަމުން ވިދާޅުވީ އެމްއެންޕީއަކީ އެއްވެސް ސިޔާސީ ޕާޓީއެއްގެ ގޮތްޕެއް ނޫންކަމަށާއި އެމްއެންޕީއަކީ ރައްޔިތުންގެ ހައްގުގައި ވަކާލާތުކޮށް ރައްޔިތުންގެ އަޑު އަހާނެ ހަމައެކަނި ޕާޓީ ކަމަށެވެ. ކޮމަންޑޫ ދާއިރާގެ ރައްޔިތުން ފެބްރުއަރީ 5 ވަނަ ދުވަހު އިހްލާސްތެރިކަމާއެކު ޙަންނާންއަށް ވޯޓު ދެއްވުމަށް އަބްދުﷲ ރިޔާޒް ވަނީ އެދިވަޑައިގެންފައެވެ.
އެމްއެންޕީގެ ނައިބު ރައީސް ހުސެއިން އިސްމާއިލްގެ ވާހަކަފުޅުގައި އެމަނިކުފާނު ވަނީ އެމްޑީޕީގެ ކެންޑިޑޭޓަށް ވަރަށް ވަރުގަދަ ބަހުގެ ހަމަލާތަކެއް އަމާޒުކުރައްވާފައެވެ. އެގޮތުން ހުސެއިން އިސްމާއިލް އެމްޑީޕީގެ ކެންޑިޑޭޓް ސިފަކުރައްވާފައިވަނީ އިހްލާސްތެރިކަމެއްނެތް ކެންޑިޑޭޓެއްގެ ގޮތުގައެވެ. ފަސްބައިގެ އެއްވެސް ކިލަނބުކަމެއް ނެތް ތައުލީމީ ގާބިލް ޒުވާނުން ބަލައިގަންނަ ހަމައެކަނި ކެންޑިޑޭޓަކީ ޙަންނާންގެ ގޮތުގައި ހުސެއިން އިސްމާއިލް ވަނީ ސިފަކުރައްވާފައެވެ.
