އެމްޑީޕީގެ އެކްޓިވިސްޓުންތަކެއް މާލެ ސިޓީ ކައުންސިލް މައްޗަންގޮޅި މެދު ދާއިރާގެ އެމްޑީޕީ ކައުންސިލަރު އަހުމަދު ޒަމީރު އަށް ފުރައްސާރަކޮށްފިއެވެ.
ރޭ 23:00 ހާއިރު ހެންވޭރު ކޮޅުގައި ހުންނަ އެމްޑީޕީ ހަރުގެ ކުރިމަތިން ޒަމީރު ވަޑައިގަންނަވަނިކޮށް، އެމްޑީޕީ ހަރުގެ ބަންދުކޮށްފައި ނިކުތް އެޕާޓީގެ އެކްޓީވިސްޓުން ވަނީ ޒަމީރާއި ދިމާކޮށްފައެވެ. ޒަމީރު ވިދާޅުވީ އެނާ އެސަރަހަދުން ފެނުމުން، ހަރުގެއިން ނިކުތް މީހުން އާދެބަލާށޭ ބުމުން، އެމީހުންނާއި ކައިރިއަށް ދިއުުމުން، ވަރަށް ހަޑި ހުތުރުބަހުން އޭނާއާއި މުޚާތަބު ކޮށްފައިވާކަމަށެވެ.
ޒަމީރަކީ ކައުންސިލްގައި ހިމެނި ވަޑައިގަންވާ އެމްޑީޕީ ކައުންސިލަރަށް ވީނަމަވެސް ކައުންސިލްގައި އޭނާ ގެންދަވަނީ ދާއިރާގެ ރައްޔިތުންގެ ހައްގުގައި އަދި ކައުންސިލުގައި ހުރި މަސައްކަތް ކުރުމަށް ވަރަށް ބޮޑަށް ވަކާލާތު ކުރައްވަމުންނެވެ. ޒަމީރު ވަނީ ސަރުކާރުން ކައުންސިލް ހިންގުމަށް ހުރަސް އަޅައި، ދޭންޖެހޭ ފުރިހަމަ އެއްބާރުލުން ނުލިބޭތީ އެކަމުގެ ކަންބޮޑުވުންވެސް ފާޅުކޮށްފައެވެ.
ޒަމީރު ވިދާޅުވީ މާލެ ސިޓީ ކައުންސިލްގެ މޭޔަރު ޑރ.މުއިއްޒު މާލޭގެ ރައްޔިތުންގެ ބޯހިޔާވަހިކަން ކަށަވަރުކޮށް ދެއްވަމުން ކުރައްވަމުންދާ މަސައްކަތުގައި އެއްބާރުލުން ދެއްވާނެކަމަށެވެ. އަދި މިނޫންވެސް ކައުންސިލްގައި ހުރި ދާއިރާގެ ރައްޔިތުންނާއި، މާލޭގެ ރައްޔިތުންގެ ހައްގުތައް ކަށަވަރު ކުރުމަށް ކުރަންޖެހޭ ކޮންމެ މަސައްކަތެއް ކުރައްވާނެކަމަށެވެ.
ޒަމީރު ވަނީ އެންމެ ފަހުން ބޭއްވި މާލެ ސިޓީ ކައުންސިލްގެ ބައްދަލުވުމުގައި، މާލެ ސިޓީ ކައުންސިލްގެ އާއިމާތް އެޅުމަށް އެދުނު ބަޖެޓުން 7 މިލިޔަން ރުފިޔާ ކޮމަންޑޫ މަތި ކޮމަންޑޫ ބްރިޖް އެޅުމަށް ނަގާފައިވާކަމަށް ތުހުމަތު ކުރައްވާފައެވެ. ޒަމީރުވަނީ އިންތިޚާބަކާއި ދިމާކޮށް މިފަދަ ކަންކަން ކުރާއިރު، އެހެން ރައްޔިތުން ތިބި ހާލަތު ދެނެގަތުމަކީ ސަރުކާރުން ކުރަންޖެހޭނެ ކަމެއްކަމުގައެވެ.
