ޤައުމީ ޚިދުމަތުގައި އެކި ދާއިރާތަކުން އަންހެނުން ކުރަމުންދާ މަސައްކަތްތައް ފާހަގަކުރުމަށް ދޭ އެވޯޑްގެ "ރެހެންދި އެވޯޑް 2021″އަށް ކުރިމަތިލުމަށް ހުޅުވާލައިފިއެވެ.
ރެހެންދި އެވޯޑަކީ މިނިސްޓްރީ އޮފް ޖެންޑަރ ފެމިލީ އެންޑް ސޯޝަލް ސަރވިސަސްއިން 2013ވަނަ އަހަރު ދޭންފެށި އެވޯޑެކެވެ.
ރެހެންދި އެވޯޑް ޚާއްސަ ކުރަނީ ޤައުމީ ތަރައްޤީއާއި މުޖުތަމަޢު ބިނާ ކުރުމަށް އަންހެނުން އަދަކުރާ ދައުރު އަދި މުޖުތަމަޢުގައި އަންހެނުންގެ ޙައްޤުތައް ރައްކާތެރިކުރުމަށް ކުރާ މަސައްކަތްތަކަށެވެ. މި އެވޯޑް ވަކިވަކި ފަރުދުންނާއި މުޢައްސަސާއާއި ޖަމުޢިއްޔާތަކަށްވެސް ދަނީ ދެމުންނެވެ.
ޖެންޑާ މިނިސްޓްރީއިން މިއަދު ބުނީ އެކިއެކި ދާއިރާތަކުން އަންހެނުން ކުރާ މަސައްކަތްތަކާއި، ގައުމީ ތަރައްގީއަށް އަންހެނުން ކުރާ މަސައްކަތުގެ އަގު ވަޒަންކުރުމަށް ދޭ ރެހެންދި އެވޯޑަށް ކުރިމަތިލާން މިއަދުން ފެށިގެން ހުޅުވާލާފައިވާ ކަމަށެވެ. އެވޯޑަށް ކުރިމަތިލުމުގެ ފުރުސަތު އޮތީ އަންނަ ފެބްރުއަރީ މަހުގެ 10 ވަނަ ދުވަހަށެވެ.
އެވޯޑަށް ކުރިމަތިލާން އަމިއްލަ ނަން ނުވަތަ އެހެން މީހަކު ނޯމިނޭޓް ކުރަން ބޭނުންވާނަމަ އެމީހެއްގެ ނަން ވެސް ހުށަހެޅޭނެ އެވެ. އިދާރާތަކާއި މުއައްސަސާތަކުންނާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކާއި ޖަމިއްޔާތަކަށް ވެސް ނަން ހުށަހެޅުމުގެ ފުރުސަތު ހުޅުވާލައިފައިވާ ކަމަށެވެ.
ކޮމެންޓު ފޮނުވާ