އައްޑޫ ސިޓީ ކައުންސިލުން ހުޅުމީދޫ ވަކިވާން ކުރާ މަސައްކަތުގެ ދަށުން ޕެޓިޝަނެއްގައި ސޮއިކުރަން ފަށައިފިއެވެ.
"އަފިރިންގެ ކައުންސިލް އަފިންނަށް" ނަމުގައި ފަށާފައިވާ މިކެމްޕެއިންގައި ގިނަ ބަޔަކު ދަނީ ސޮއި ކުރަމުންނެވެ. މި ޕެޓިޝަންގެ އެންމެބޮޑު ބޭނުމަކީ ހުޅުދޫ، މީދޫގެ ތަރައްޤީއަށް އޮތް ހުރަސް ނައްތާލައި އައްޑޫ ސިޓީ ކައުންސިލުންވެ ވަކި ރަށެއްގެ ގޮތުގައި އޮތުމެވެ. މި ޕެޓިޝަންގައި އެއަވަށުގެ ރައްޔިތުން ދަނީ ސޮއިކުރަމުންނެވެ.
މިޕެޓިޝަންގެ މަސައްކަތް ކުރިއަށްދާއިރު، މިކަމުގައި ރައްޔިތުން ނިންމާ ކޮންމެ ނިންމުމަކާއި އެއްގޮތަށް ކުރިއަށް ދާނެކަމަށް އެދާއިރާގެ މެމްބަރު ރޮޒޭނާ އާދަމް ވަނީ ވިދާޅުވެފައެވެ. ރޮޒައިނާ ވިދާޅުވެފައިވަނީ އައްޑޫ ސިޓީ ކައުންސިލްގެ ދަށުގައި ހުޅުދުއާއި މީދޫ އޮތުމުން ރައްޔިތުންގެ ކަންބޮޑުވުންތައް އަޑުއިވިފައިވާކަމަށެވެ.
ޚާއްސަކޮށް ތަރައްޤީގެ ކަންކަން ހިންގުމުގައި ދިމާވާ ދަތިތައް ލަސްވުމަކީ ސިޓީ ކައުންސިލްގެ ދަށުންވަކިވެ، ވަކި ކައުންސިލެއްގެ ގޮތުގައި އޮތުމަށް ރައްޔިތުން އެދޭ އެންމެބޮޑު އެދުންކަމަށެވެ. މިހާރުވެސް ބައެއް މަޝްރޫޢުތައް ހިންގަން ލަސްވަމުންދަނީ ސިޓީ ކައުންސިލުން ނިންމަންޖެހޭ ކަންކަން ނުނިމި ލަސްތަކެއް ވުމުންކަން ރޮޒައިނާ ވަނީ ފާހަގަކުރައްވާފައެވެ.
ހުޅުދުއާއި މީދުއަކީ އައްޑޫގެ ގުޅިފައިވާ ރަށްތަކާ ވަކިން އޮންނަ ދެ ރަށެވެ. ރައްޔިތުންގެ ޚިޔާލަށް މިދެއަވަށް ސިޓީ ކައުންސިލުން ވަކިކުރުމާމެދު ޢާއްމުންގެ ޚިޔާލަށް ހުޅުވާލުމުން ގިނަ ރައްޔިތުން ވަނީ ސިޓީ ކައުންސިލުން ވަކިވުމަށް ތާޢީދުކޮށްފައެވެ.
ރޮޒައިނާ ވިދާޅުވީ މިހާރު ޤާނޫނުގައި އޮންނަ ގޮތުން ކައުންސިލްތަކުން ވަކިވާން ބޭނުންވިޔަސް އެކަން ކުރެވޭނެ ގޮތެއް ނެތްކަމަށެވެ. އެހެންކަމަށްވުމުން ރައްޔިތުން މިބަދަލު ގެންނަން ތާއީދުކުރާނަމަ ޤާނޫނަށް އިސްލާހު ހުށަހަޅުއްވާނެކަމަށް ރޮޒައިނާ ވަނީ ވިދާޅުވެފައެވެ.
ކޮމެންޓު ފޮނުވާ