ދައުލަތް ފެއިލްވުމާއި ދިމާލަށް މިސްރާބު ޖަހަނަމަ، އަޅަންޖެހޭ ފިޔަވަޅުތައް އެޅުމަށް ރައްޔިތުންގެ މަޖިލީހުގެ ތުލުސްދޫ ދާއިރާގެ މެންބަރު އިބްރާހީމް ނަސީމް ވިދާޅުވެއްޖެއެވެ.
ނަސީމް މިހެން ވިދާޅުވީ، ބިރުވެރިކަން އުފެދޭގޮތަށް ބާރަށް ދުއްވި ދެ ސައިކަލެއް ހިފެހެއްޓުމުން ފުލުހަކަށް ހަމަލާދިނުމާއި ގުޅިގެންނެވެ. މެންބަރު ނަސީމް ވިދާޅުވީ، ހެދޭ ގޯސްތަކުގެ ނަތީޖާ ހިތިވެ ދައުލަތެއް ފެއިލް ވުމާއި ދިމާލަށް މިސްރާބު ޖަހާނަމަ ދައުލަތުގެ އެންމެ އިސްވެރިޔާގެ ހައިސިއްޔަތުން ކުރަންޖެހޭ އެންމެހާ ކަންކަން ކުރުމަށާއި އަޅަންޖެހޭ އެންމެހާ ފިޔަވަޅުތައް އެޅުމަށް ރައީސުލްޖުމްހޫރިއްޔާއަށް ގޮވާލައްވާކަމަށެވެ.
ފުލުހުން ބުނީ ރޭގެ ވަގުތެއްގައި، މަޖީދީ މަގާއި ދިލްބަހާރު މަގު ގުޅޭ ހިސާބުގައި، ބިރުވެރިން އުފެދޭ ގޮތަށް ނުރައްކާތެރިކޮށް ބާރު ސްޕީޑުގައި ހަތަރު މީހަކު ދެ ސައިކަލު ދުއްވަމުން ދަނިކޮށް ފުލުހުން ގޮސް އެކަން ހުއްޓުވާފައިވާކަމަށެވެ. ސައިކަލްތައް ދުއްވީ އަދި ފުލުހަކަށް ހަމަލާދިނީ މާލޭގައި އުޅޭ ގްރޫޕަކަށް ނިސްބަތްވާ ބައެއްކަމަށް ފުލުހުން ބުންޏެވެ.
ފުލުހުންގެ ވާޖިބަށް ހުރަސްއަޅައި ހަމަލާ ދިން މައްސަލާގައި ހައްޔަރުކުރީ؛ މުހައްމަދު ވިއާމް، 27، ސ. ފޭދޫ/ވީނަސްވިލާ އާއި ހަސަން އަލީމް، 22، މާލެ/ދަފްތަރު 2841 އަދިޝާން އަބްދުﷲ، 20،ކަމަށް ފުލުހުން ބުންޏެވެ.
މާލޭގެ މަގުތަކުގެ އަމާންކަން ގެއްލުވާލައި ރައްޔިތުންގެ ހިތްތަކުގައި ބިރުވެރިކަން އުފެދޭ ގޮތަށް ގްރޫޕް ހަދައިގެން މިފަދަ އަމަލުތައް ހިންގާ މީހުންނާ މެދު ގާނޫނީ ހަރުކަށި ފިޔަވަޅު އަޅައި، މިފަދަ ކުށްތައް ހުއްޓުވުމަށް ގާނޫނީ ގޮތުން ކުރެވެން ހުރި ހުރިހާ މަސައްކަތްތަކެއް މި ހިދުމަތުން ކުރަމުން ގެންދާނެކަމަށް ފުލުހުން ވަނީ ބުނެފައެވެ.
ކޮމެންޓު ފޮނުވާ