އދ.މަންދޫއަށް ދިމާވެފައިވާ ލަފާފުރުމުގެ މައްސަލައަށް ހައްލު ގެނައުމަށް އެރަށުގެ ބަނދަރު ތަރައްޤީކުރުމުގެ މަސައްކަތް އެމްޓީސީސީން ފަށައިފިއެވެ.
މަންދޫ ބަނދަރު ހެދުމުގެ މަސައްކަތް ފަށާފައިވަނީ މިމަހުގެ 15ގައެވެ.
އދ. މަންދޫ ބަނދަރު ތަރައްޤީ ކުރުމުގެ މަޝްރޫޢުގެ އަމަލީ މަސައްކަތް 15 ޑިސެމްބަރ 2021 ވަނަ ދުވަހު ފެށިއްޖެ.#MTCCProjects #RayyithungeKunfuni pic.twitter.com/wQU622mtgG
— MTCC Plc (@MTCCPlc) December 19, 2021
މަންދޫގައި ތަރައްޤީކުރާ ބަނދަރަކީ 236 މީޓަރުގެ ބަނދަރެކެވެ. މަންދޫގައި ބަނދަރު ތަރައްޤީ ކުރުމަށް ހިންގާ މަޝްރޫޢުގެ ދަށުން، 65854 ކިއުބިކް މީޓަރުގެ ސަރަޙައްދެއް ފުންކުރުމާއި، 319 މީޓަރު ސަރަޙައްދުގައި ބޭރު ތޮށި ލުމާއި، 71 މީޓަރު ސަރަހައްދެއްގައި ރިވެޓްމަންޓްޖެހުމާއި، 50 މީޓަރުގެ ސަރަޙައްދުގައި ގްރޮއިންސްޖެހުން ހިމެނެއެވެ.
މީގެ އިތުރުން ނެރު ބައްތިއާއި، ބަނދަރު އަލިކުރުމަށް ލައިޓް ހަރުކުރުމާއި، ޕޭމަންޓްޖެހުމުގެ މަސައްކަތްވެސް މިމަޝްރޫޢުގެ މަސައްކަތްތަކުގެ ތެރޭގައި ހިމެނެއެވެ. މި މަޝްރޫޢަށް ސަރުކާރުން 34.1 މިލިއަން ރުފިޔާ ޚަރަދުކުރެވެ.
އާބާދީގައި 400އެއްހާ މީހުން ދިރިއުޅޭ މަންދޫއަކީ ފަތުރުވެރިކަން ތަރައްޤީވަމުން އަންނަ ރަށެކެވެ. އެގޮތުން އެރަށުގައި 4 ގެސްޓް ހައުސްއެއ ްހުރެއެވެ.
އެހެންކަމުން އައު ބަނދަރާއެކު އެރަށުގެ އިޤްތިޞާދަށް ގިނަ ފައިދާތަކެއް ކުރާނެކަމަށް އެރަށު ކައުންސިލާއި ރައްޔިތުން ދެކެއެވެ.
ކޮމެންޓު ފޮނުވާ