ބަތަލާ މަލައިކާ އަރޯރާ އަކީ އޭނާގެ ފިޓްނަސް ގެއިތުރުން ސިއްހަތާއި ރީތިކަމަށް ވަރަށް ބޮޑަށް ބަލައިގެން އުޅޭ ތަރިއެކެވެ. އާދަވެގެން ކަސްރަތު ކުރުމާއި ހަށިގަނޑަށް ފައިދާ ހުރި ކެއުން ކެއުމާއި ހަށިގަނޑަށް ބަލައިގެން އުޅުމަކީ އޭނާގެ ކޮންމެ ދުވަހެއްގެ ޝެޑިއުލްގައި ހިމެނިފައިވާ ކަންކަމެވެ.
މަލައިކާ އަކީ އަބަދުވެސް ކެމިކަލް އެކުލެވޭ އުފެއްދުންތަކާ ދުރުން އުޅޭ ތަރިއެކެވެ. އޭނާ އަބަދުވެސް ސަމާލުކަން ދެނީ ފަތްޕިލާ ވެލިން އުފައްދާފައި ހުންނަ ޕްރޮޑަކްތަށް ބޭނުން ކުރުމަށެވެ.
މަލައިކާ ވަނީ އޭނާގެ ބޮލުގެ އިސްތަށިގަނޑު ވަރުގަދަކޮށް އޮފުކޮށް ބޭއްވުމަށް އޭނާ އާދަވެގެން ކުރަމުން އަންނަ ކަންތަކާ އުނގުޅާ އެއްޗެހި ކިޔައި ދީފައެވެ.
އޭނާ ބުނިގޮތުގައި ބޮލުގެ އިސްތަށިގަނޑު ރީތިކޮށް ބޭއްވުމަށް ވަރަށް ބޮޑަށް އަޅާލުން ބޭނުންވެއެވެ. އަދި އޭނާ ބޮލުގައި ލާ ތެލަކީ "ހޯމްމޭޑް" ނުވަތަ އަމިއްލައަށް ގޭގައި ތައްޔާރު ކުރާ އެއްޗެއް ކަމަށް ވެސް ވަނީ ބުނެފައެވެ.
View this post on Instagram
އޭނާ ބޮލުގައި ލުމަށް ބޭނުން ކުރަނީ އޮލިވް އޮއިލް، ކާސްޓޯ އޮއިލް އަދި ކޮކޮނަޓް އޮއިލްގެ އިތުރުން ފެނުގްރީކް އަދި ހިކަނދި ފަތެވެ. ހުރިހާ އެއްޗެއް ފުޅިއަކަށް އެޅުމަށް ފަހު ދެތިން ދުވަސް ވަންދެއް ބަހައްޓަން ޖެހެއެވެ. އެއަށް ފަހު ހަފްތާ އަކު އެއްފަހަރު މި ތެޔޮ ބޮލުގައި އުނގުޅާނީއެވެ.
ސެލެބްރިޓީންނަކީ އަބަދުވެސް ރީތިކޮށް ތިބުމަށްޓަކައި، އެހެން މީހުން ނުކުރާ ފަދަ ތަފާތު ކަންކަން ކުރާ ބައެކެވެ.
