ބ. ފެހެންދޫ ބަނދަރު ތަރައްޤީ ކުރުމުގެ އަމަލީ މަސައްކަތް ނިންމާލައިފިއެވެ.
މިނިސްޓްރީ އޮފް ނޭޝަނަލް ޕްލޭނިންގ ހައުސިންގް އެންޑް އިންފްރާސްޓްރަކްޗަރ އިން އެމްޓީސީސީއާއި ހަވާލުކޮށްފައިވާ މި މަޝްރޫޢުގެ އަގަކީ 1.45 މިލިއަން ރުފިޔާއެވެ. އެމްޓީސީސީން ބުނީ ފެހެންދޒޫ ބަނދަރު މަސައްކަތް ނިންމާލާފައިވަނީ މިދިޔަ މަހުގެ 20ގައިކަމަށެވެ.
މި މަޝްރޫޢުގެ ދަށުން، ބަނދަރު އަދި ނެރު ފުންކުރުމާއި، 130 މީޓަރު ބޭރުތޮށި ލުމާއި، 214 މީޓަރު އެއްގަމު ތޮށި ލުމާއި، 317 މީޓަރުގެ ރިވެޓްމެންޓް ޖެހުމާއި ބަނދަރު ސަރަހައްދުގައި 908 އަކަމީޓަރު ޕޭވްމެންޓް ހެދުމާއި، ރޭމްޕެއް ހެދުމުގެ މަސައްކަތުގެ އިތުރުން، ބަނދަރާއި ރަށާއި ގުޅާލުމަށް 812 އަކަމީޓަރުގެ ވޯކްވޭ ބްރިޖެއް ހެދުމާއި ނެރު ބައްތި ހަރުކުރުމާއި، ސެޓުލްމަންޓް ޓޭންކު ހެދުމުގެ މަސައްކަތްވަނީ ފުރިހަމަކޮށް ވަނީ ނިންމާލާފައެވެ. މިވަގުތު ރާއްޖޭގެ އެކި ކަންކޮޅުތަކުގައި އެމްޓީސީސީގެ 62 މަޝްރޫޢެއްގެ ކުރިއަށްދާކަމަށް އެކުންފުނިން ބުންޏެވެ.
ބ. ފެހެންދޫ ބަނދަރު ތަރައްޤީ ކުރުމުގެ މަޝްރޫޢުގެ އަމަލީ މަސައްކަތް ނިމިއްޖެ
ޕްރެސް ރިލީޒް:https://t.co/8e3rLoIhoi pic.twitter.com/wCMvvykbL7
— MTCC Plc (@MTCCPlc) December 15, 2021
މީގެތެރެއިން 34 މަޝްރޫޢަކީ ބަނދަރު ހެދުމުގެ މަޝްރޫޢެވެ. އަދި މިވޭތުވެދިޔަ 3 އަހަރު ދުވަހުގެތެރޭގައި ބަނދަރު ހެދުމުގެ 23 މަޝްރޫޢެއްގެ މަސައްކަތް ވަނީ ނިންމާފައެވެ. 1980 ވަނަ އަހަރު އެމްޓީސީސީ އުފެދުނީ ރާއްޖޭގެ ތަރައްޤީގެ ދަތުރުގެ މުހިއްމު މަރުޙަލާއެއްގައެވެ.
އެމްޓީސީސީ އުފެދުނީއްސުރެ ރާއްޖޭގެ ޢުމްރާނީ ތަރައްޤީ އާއި އިޖުތިމާޢީ ވަޞީލަތްތައް ބިނާކުރުމުގައި އެމްޓީސީސީއިން ވަނީ މުހިއްމު ދައުރެއް އަދާކޮށްފައެވެ. މި މަޝްރޫޢުގެ މަސައްކަތުގައި ފެހެންދޫގައި މިކުންފުނިން ހޭދަކުރި މުއްދަތުގެ ތެރޭގައި ފެހެންދޫއަށް ބޭނުންތެރިވެފައިވާ ގިނަކަންކަމުގައި އެހީތެރިކަން ވަނީ ފޯރުކޮށްދެވިފައެވެ.
މިގޮތުން، އިޖްތިމާއީ ޒިންމާގެ ދަށުން، ފެހެންދޫ ދޯނިއެހެލާ ސަރަޙައްދު ފުންކޮށްދިނުމާއި، ވިއްސާރަވެ ފެންހެދޭ ސަރަޙައްދުތަކަށް ވެލިއަޅައި އެއްވަރުކޮށްދިނުމާއި، ރައްޔިތުން މޫދަށްއެރޭ ސަރަޙައްދު ވެލިއަޅައި ސްލޯޕްއެއް ޤާއިމްކޮށްދިނުމާއި، ހިއްކާފައިވާ ސަރަޙައްދުގައި ރުއް އިންދުމާއި، ކުނި މެނޭޖްކުރާ ސަރަޙައްދު ސާފުކޮށްދިނުންފަދަ އިޖްތިމާއީ އެހީތެރިކަން އެމްޓީސީސީން ވަނީ ފޯރުކޮށްދެވިފައެވެ.
