ކ. ގިރިފުށީ ބަނދަރު ތަރައްޤީ ކުރުމުގެ މަޝްރޫއުގެ އަމަލީ މަސައްކަތް ފަށަން ތައްޔާރުވެއްޖެއެވެ.
ސިފައިންގެ ތަމްރީން މަރުކަޒު ހިންގާ ގިފުށީގެ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، އަމަލީ މަސައްކަތް ފެށުމަށްޓަކައި އިއްޔެ ވަނީ ޕްރޮޖެކްޓް ސައިޓް މޮބިލައިޒްކޮށްފައެވެ.
މި މަޝްރޫޢުގެ ދަށުން، 268 މީޓަރުގެ ސަރަޙައްދެއްގައި ބޭރުތޮށި ލުމާއި، 46 މީޓަރުގެ ސަރަޙައްދެއްގައި ނެރު ބޭރުތޮށި ލުމުގެ މަސައްކަތް ހިމެނެއެވެ.
ކ. ގިރިފުށީ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، އަމަލީ މަސައްކަތް ފެށުމަށްޓަކައި 5 ޑިސެމްބަރ 2021 ވަނަ ދުވަހު ޕްރޮޖެކްޓް ސައިޓް މޮބިލައިޒްކޮށްފި.#MTCCProjects #RayyithungeKunfuni pic.twitter.com/xXWtTSE3cW
— MTCC Plc (@MTCCPlc) December 6, 2021
މޯލްޑިވްސް ނޭޝަނަލް ޑިފެންސް ފޯރސްއިން އެމްޓީސީސީއާއި ހަވާލުކޮށްގެން ކުރިއަށްގެންދާ މި މަޝްރޫޢަކީ 18.3 މިލިއަން ރުފިޔާގެ މަޝްރޫއެކެވެ. އެމްޓީސީސީން މިހާރުވެސް ރާއްޖޭގެ ގިނަ ރަށްތަކެއްގައި ބަނދަރު ހެދުމުގެ މަސައްކަތް ދަނީ ކުރަނުންނެވެ. އަދި ހަވާލު ކުރެވިފައިވާ މުއްދަތަށް މަސައްކަތް ނިންމުމަށް އެކުންފުނިން ދަނީ މަސައްކަތް ކުރަމުންނެވެ.
އެމްޓީސީސިއަކީ ސަރުކާރުގެ އެންމެ ގިނަ ތަރައްޤީގެ ޕްރޮޖެކްޓް ހިންގާ ކުންފުންޏެވެ.
