ރަޢްޔިތުންނަށް ޚިދުމަތްކުރުމަށް މަގާމުތަކާއި ޙަވާލުވެ ތިއްބަވާ ބޭފުޅުން, އިތުރުފުޅު ހައްދަވާ އޮޅުވާލައްވަން މަސައްކަތް ކުރެއްވުމަކީ ނުހަނު ހިތާމަހުރި ކަމެއް ކަމުގައި ދީނީ އިލްމުވެރިޔާ ޑރ.މުހައްމަދު އިޔާޒު ވިދާޅުވެއްޖެއެވެ.
ރެނދު އަޅައި ގެއްލުންތަކެއް ވެފައިވާ އަރަބިއްޔާ ސްކޫލުގެ އިމާރާތުގައި ދަރިވަރުން ކިޔެވުމަށް އަދި ނުރައްކަލެއް ނެތް ކަމަށް އެޑިއުކޭޝަން މިނިސްޓަރުު ޑރ. އައިޝަތު ވަނީ އިއްޔެ ރައްޔިތުންގެ މަޖިލީހުގައި ވިދާޅުވެފައެވެ. މިިނިސްޓަރ މިފަދައިން ވިދާޅުވި ނަމަވެސް އެ ސްކޫލުގައި ފެންނަންހުރި ރެދުތަކާއި، ގެއްލުންތަކުގެ ސަސަބުން ގިނަ ބަލެނެވެރިން ދަނީ އެކަމާއި ކަންބޮޑުވުން ފާޅު ކުރައްވަމުންނެވެ.
މިނިސްޓަރގެ ވާހަކަތާއި ގުޅިގެން ޑރ.އިޔާޒު ވިދާޅުވީ އެޑިއުކޭޝަން މިނިސްޓްރީން އަރަބިއްޔާ ސްކޫލުގެ ކަންކަމާއިމެދު ތެދުވެރިކަމާއިއެކު ފަރުވާ ބަހައްޓައިގެން މަސައްކަތް ކުރަންޖެހޭކަމަށެވެ. އެއްވެސް ހާލެއްގައި ރައްޔިތުންގެ ޚިދުމަތަށް ނިކުންނަވާފައިވާ ބޭފުޅުން އިތުރުފުޅު ހައްދަވައި އޮޅުވާލުމަކީ ވަރަށް ހިތާމަހުރި ކަމެއްކަމަށް ޑރ.އިޔާޒު ވިދާޅުވިއެވެ.
ރަޢްޔިތުންނަށް ޚިދުމަތްކުރުމަށް މަގާމުތަކާއި ޙަވާލުވެ ތިއްބަވާ ބޭފުޅުން, އިތުރުފުޅު ހައްދަވާ އޮޅުވާލައްވަން މަސައްކަތް ކުރެއްވުމަކީ ނުހަނު ހިތާމަހުރި ކަމެއް. ޢަރަބިއްޔާ ސްކޫލުގެ ކަންތައްތަކުގައި އެޑިއުކޭޝަން މިނިސްޓްރީން ތެދުވެރިކަމާއި ފަރުވާތެރިކަން ބަހައްޓަވައިގެން މަސައްކަތް ކުރައްވާ.
– ޑރ.އިޔާޒު ވިދާޅުވިއެވެ.
އިޔާޒު ވިދާޅުވީ އަރަބިއްޔާ ސްކޫލުގެ ހާލަތާއިމެދު އެސްކޫލުގެ ބައެއް މުދައްރިސުން ޓްވީޓްކޮށް ހައްދަވާތީ އެކަމާއި އެޑިއުކޭޝަން މިނިސްޓްރީގެ ބައެއް އިސްވެރިން ހިތްޕުޅާނުވެ ނުރުހުމުގެ ބަސްތައް ރައްދުކޮށް، އިންޒާރުދެމުންދާކަމުގެ މައުލޫމާތު ލިބެމުންދާ ކަމަށެވެ. ނަމަވެސް ހަގީގަތް ހާމަކުރުމަކީ އެއްވެސް ހާލެއްގައި ބިރު ދައްކަންޖެހޭ ކަމެއް ނޫންކަމަށް ޑރ.އިޔާޒު ވިދާޅުވިއެވެ.
ޢަރަބިއްޔާސްކޫލްގެ ޙާލަތު ބަޔާންކޮށް ބައެއް މުދައްރިސުން ޓްވީޓް ކުރައްވާތީ އެޑިއުކޭޝަން މިނިސްޓްރީގެ ބައެއްވެރިން ނުރުހުމުގެ ބަސްތައް ރައްދުކުރައްވާ ބިރުދައްކަވާކަމަށްވޭ. ޙަގީގަތް ހާމަކުރުމަކީ ފަހަރެއްގައިވެސް ބަޔަކު ބަދުނާމު ކުރުމެއް ނޫން. ބިރުދެއްކުން ފަދަ ދަށުދަރަޖައިގެ ޢަމަލުތައް ނުކުރައްވާ.
– ޑރ.އިޔާޒު ވިދާޅުވިއެވެ.
މިނިސްޓަރު ވިދާޅުވި ގޮތުގައި އަރަބިއްޔާ ސްކޫލު ހުޅުވީ 2013 ވަނަ އަހަރުގައި ކަމަށާއި އެ އިމާރާތުގައި ބޮޑެތި ރެނދުތައް ހުރިކަން މިނިސްޓްރީގެ ސަމާލުކަމަށް އައީ 2020 ވަނަ އަހަރުގެ ޑިސެމްބަރު މަހު ކަމަށެވެ. އަދި އެކަން ފާހަގަވިތަނާ އިންސްޕެކްޝަންއަށް އިންޖިނިއަރުން ފޮނުވި ކަމަށާއި އެ ބޭފުޅުންނާއި ޕްލޭނިން މިނިސްޓްރީން ވިޝުއަލް އިންސްޕެކްޝަނެއް ހެދި ކަމަށެވެ.
މިނިސްޓަރު ވިދާޅުވީ އަރަބިއްޔާގެ ހާލަތު ބެލުމަށް ފަހު އެ ބޭފުޅުން އެކުލަވާލި ރިޕޯޓުގައި އެ ސްކޫލުގެ ސްޓްރަކްޗަރަލް އެސެސްމަންޓެއް ހަދަން ލަފާ ދިން ކަމަށެވެ. އަދި އެ އެސެސްމަންޓްގެ މަސައްކަތް މިހާރު ފަށައިފައިވާ ކަމަށެވެ. މިނިސްޓަރު ވިދާޅުވީ ސްޓްރަކްޗަރަލް އެސެސްމަންޓް ނިމުމުން މިހާރުން މިހާރަށް އެތަަނަށް ބޭނުންވާނެ މަރާމާތުތައް އެނގިގެންދާނެ ކަމަށާއި އަދި އެ އެސަސްމަންޓް ހަދަމުންދަނީ އަންނަ ސްކޫލު ބަންދުގައި ހެދޭނެ ގޮތަށް ރާވަން ވަރަށް ބާރަށް ކަމަށެވެ.
އޭގެ އިތުރުން އެ އެސެސްމަންޓްގައި ކޮންކްރިޓްގެ ސްޓްރެންތު ފަދަ ކަންކަން ބަލަން ރާއްޖެއިން ބޭރަށް ވެސް ފޮނުވައިގެން ކަންކަން ބަލަން ޖެހޭ ކަމަށާއި އެހެންކަމުން އެކަމަށް ދެ މަހެއްހާ ދުވަސް ނަގާނެ ކަމަށެވެ.
One Response
ތިޔަ ކުރައްވާ ޓެސްޓު ތަކަކާއި ކުރާ ކަމެއް ނިމެންދެން ސުކޫލު ކުދިން އެތަނަށް ނުވެއްދުމަށް ސަރުކާރުން ހަމަޖައްސަވާ .ކަމެއް ވުމުގެ ކުރިން ކުރިން ފިޔަވަޅު އެޅުން މުހިއްމު .