ޑައިރެކްޓަރު ސަންޖޭ ލީލާ ބަންސާލީގެ ފިލްމް "ގަންގޫބާއި ކަތިއަވަޅީ" ކުރިން ރިލީޒް ކުރުމަށް ތާވަލް ކޮށްފައި އޮތީ އަންނަ ޖަނަވަރީ މަހުގެ 6 ވަނަ ދުވަހަށެވެ. ނަމަވެސް މި ފިލްމް ރިލީޒް ކުރާ ދުވަސް މިހާރު މިވަނީ ކުޑަ ތަންކޮޅެއް ލަސްވެފައެވެ.
އާލިއާ ބަޓް ލީޑްރޯލުން ފެނިގެން ދާ "ގަންގޫބާއި ކަތިއަވަޅީ" ރިލީޒް ކުރާ ދުވަސް ބަދަލު ކުރަން ޖެހުނީ އާލިއާގެ ވަރުގަދަ އެހެން ފިލްމަކާ ފުށޫއަރާތީއެވެ. އެގޮތުން އެސް އެސް ރާޖާ މޯލީ ޑައިރެކްޓް ކޮށްފައިވާ މި އަހަރުގެ އެންމެ އުންމީދީ އެއް ފިލްމް ކަމުގައިވާ "އާރްއާރްއާރް" ރިލީޒް ކުރުމަށް ހަމަ ޖެހިފައި އޮތީ ޖަނަވަރީ 7 ގައިއެވެ. އެއީ "ގަންގޫބާއި ކަތިއަވަޅީ" ރިލްޒްކުރަން އޮތް ތާރީހައްވުރެ އެއް ދުވަސް ފަހެވެ.
އެހެން ކަމުން މި ދެފިލްމް ފުށޫއަރާތީ އެވަރުގެ ރިސްކެއް ނަގަން ޑައިރެކްޓަރު ސަންޖޭ ބޭނުން ނުވުމުން މި ފިލްމް ވަނީ ޖަނަވަރީ 18 އަށް ބަދަލުކޮށްފައެވެ. އަދި މި ފިލްމު 18 ޖަނަވަރީ 2022 ގައި ރިލީޒް ކުރުމަށް ތާވަލް ކޮށްފައިވާކަން ޑައިރެކްޓަރ ސަންޖޭވެސް ވަނީ ކަށަވަރު ކޮށްދީފައިއެވެ.
"އާރްއާރްއާރް" އަކީ އާލިއާ އާއެކު ސައުތުގެ މަގުބޫލް އެކްޓަރުން ކަމުގައިވާ ރާމް ޗަރަން އާއި އެންޓީ ރާމަ ރާއޯ ޖޫނިއާ ލީޑުން ފެނިގެން ދާނެ މިފިލްމެކެވެ.
