ގދ.ތިނަދޫން ނިޔާވި ތިން މަހުގެ ތުއްތު ފިރިހެން ކުއްޖާ މައްސަލައިގައި އިހުމާލުވި ކަމަށް ބުނާ ޑޮކްޓަރު ސަސްޕެންޑް ކޮށްފިއެވެ.
މި ކުއްޖާއަށް މައްސަލައިގައި އިހުމާލުވީ ކަމަށް ބަލައި ސަސްޕެންޑް ކޮށްފައިވަނީ އެވަގުތު ޑިއުޓީގައި ހުރި ޑޮކްޓަރެވެ. ތިނަދޫގައި ހުންނަ ޑރ.އަބްދުއްސަމަދު މެމޯރިއަލް ހޮސްޕިޓަލުގެ އޮފިޝަލަކު ވަނީ މި މައްސަލައިގައި ޑޮކްޓަރަކު ސަސްޕެންޑް ކޮށްފައިވާކަން ކަށަވަރު ކޮށްދެއްވާފައެވެ.
މިއަދު ތުއްތު ކުއްޖާ މަރުވީ ކޮވިޑް ޖެހިގެން ކަމަށް ފުރަަތަމަ ރިޕޯޓްކޮށްފައި ވިޔަސް، އެއީ ކޮވިޑް މަރެއް ނޫން ކަމަށް އެޗްޕީއޭއިން ނިންމާފައިވާ ކަމަށެވެ. އޭނާ ވިދާޅުވި ގޮތުގައި ތުއްތު ކުއްޖާ ކޮވިޑަށް ޕޮޒިޓިވްވިތާ މިއަދަށް މިއީ 16 ވަނަ ދުވަހެވެ. އަދި މިއީ އެ ބަލިން ރަނގަޅުވެގެން އެ ކުއްޖާ ހޮސްޕިޓަލުން ދޫކޮށްލަން އޮތް ދުވަސް ކަމަށް ވެސް އޭނާ ވިދާޅުވިއެވެ.
އެ ކުއްޖާ މަރުވީ ހޮސްޕިޓަލްގެ އިހުމާލުން ކަމަށް އާއިލާއިން ތުހުމަތު ކުރެއެވެ. މިމައްސަަލަ ހެލްތު މިނިސްޓްރީންވެސް ދަނީ ބަލަމުންނެވެ.
