ބޮލީވުޑްގެ މަޝްހޫރު ތަރި ޝާހިދު ކަޕޫރު އާއިލާއާއެކު ރާއްޖޭގައި ޗުއްޓީ ހޭދަކުރަމުން އެބަދެއެވެ. ނަމަވެސް މި މީހުން ޗުއްޓީ ހޭދަކުރަމުން ދަނީ ކޮން ރިސޯޓެއްގައި ކަމެއް ހާމަކޮށްފައެއް ނުވެއެވެ.

މި ދަތުރުގައި ޝާހިދާއި އަންހެނުން މީރާގެ އިތުރުން އެދެމީހުންގެ ދެ ދަރިން ވެސް ރާއްޖެ އައިސްފައިވެއެވެ. އެމީހުން ރާއްޖެ އައުމަށް އެއާޕޯޓަށް ގޮސްއުޅެނިކޮށް ނަގާފައިވާ ފޮޓޯތަކެއް މީގެ ދެދުވަހެއް ކުރިން ވަނީ ސޯޝަލް މީޑިއާގައި އާންމުވެފައެވެ.

 

View this post on Instagram

 

A post shared by Shahid Kapoor (@shahidkapoor)

މި ދެމީހުންވެސް އަންނަނީ ރާއްޖޭގައި ޗުއްޓީ ހޭދަކުރަމުންދާ ފޮޓޯތައް އިންސްޓަގްރާމް މެދުވެރިކޮށް ފޭނުންނާ ހިއްސާ ކުރަމުންނެވެ.

 

View this post on Instagram

 

A post shared by Mira Rajput Kapoor (@mira.kapoor)

ޝާހިދާއި މީރާ ކައިވެނި ކޮށްފައިވަނީ 2015 ވަނަ އަހަރުއެވެ. ބޮލީވުޑް ގެ މި މަގުބޫލް ޖޯޑަށް ވަނީ ދެކުދިން ލިބިފައިއެވެ. އެއީ 5 އަހަރުގެ މިޝާ އާއި 3 އަހަރުގެ ޒާއިން އެވެ.

ޝާހިދު އަންނަނީ ގިނަ ފިލްމް ތަކެއްގެ މަސައްކަތް ކުރަމުންނެވެ. އެންމެ އަވަހަށް ބެލުންތެރިންނަށް ފެންނާނެ ކަމަށް ބެލެވެނީ މިހާރު ޝޫޓިންގ ވެސް ނިންމާފައިވާ ފިލްމް "ޖާޒީ" އެވެ.