އދ.ދަނގެތީގައި މީހަކު މަރާލި މައްސަލާގައި ދެމީހަކު ހައްޔަރުކޮށްފިއެވެ.

މަރާލާފައި އޮއްވާ ފެނިފައިވަނީ ޢުމުރުން 55 އަހަރުގެ، އެ ރަށު މޮނަލާޒު, މަހުމޫދު އަބޫބަކުރުއެވެ. މަހުމޫދުގެ މަރުގެ މައްސަޅާގައި އެރަށު މީހުން ތުހުމަތުކުރަނީ ރަށުން ބޭރުން އެރަށަށް އެރި ބަޔަކު މަހުމޫދު މަރާލިކަމަށެވެ. އެގޮތުން އެރަށު މީހުން ތުހުމަތުކުރާގޮތުގައި، ރަށު މަހުމޫދު މަރާލާފައިވަނީ އެ ރަށަށް ގޮސްގެން އުޅޭ އއ. ތޮއްޑޫ ދެ މީހެކެވެ.

މަހްމޫދަކީ މޮނަލާޒް ރެސްޓޯރަންޓްގެ ނަމުގައި ދަނގެތީގެ ހުޅަނގުފަރާތު އަތިރިމަތީގައި ކެއިންބުއިމުގެ ހިދުމަތްދެމުން އަންނަ ވިޔަފާރިވެރިއެކެވެ. އެރަށުގެ ރައްޔިތުންނަށް ބޭނުންވާ ގޭހާއި ކާޑުގެ ބާވަތްތައް ރަށުގެ ގޭގެއަށް ޑެލިވަރީ ކޮށްދެނީ އޭނާކަމަށްވެސް މަޢުލޫމާތު ލިބިފައިވެއެވެ. ރަށުގެ ރައްޔިތުން ބުނާގޮތުގައި މަހުމޫދަކީ ހިތްހެޔޮ މީހުންނަށް ރަނގަޅު މީހެކެވެ.

އެރަށުގެ ރައްޔިތުންގެ ތުހުމަތުތަކާއި ގުޅިގެން ހައްޔަރުކުރި ދެމީހުން މިހާރު ތިބީ ދަނގެތީ ޕޮލިސް ސްޓޭޝަންގައެވެ.

މައުލޫމާތު ލިބިފައިވާ ގޮތުގައި މަރާލާފައި އޭނާ އެއްލާލާފައި އޮތީ ވަޅަކަށެވެ. އަދި އޭނާވަޅަށް ވައްޓާލާފައި އޮތްއިރު، އޭނާގެ ބޮލަށާއި ދެފަޔަށް ސުތުލި ގޯންޏެއް އެރުވުމަށްފަހު ކަމަށްވެސް އަރަށުން ވާހަކަ ދެއްކި ބައެއް ފަރާތްތަކުން މައުލޫމާތު ދީފައި ވެއެވެ.

މިމައްސަލާގައި މިހާތަނަށް އެއްވެސްމީހަކު އަދި ހައްޔަރު ކޮށްފައި ނުވާކަމަށް ފުލުހުން ބުނެފައިވި ނަމަވެސް، އެރަށުން ވާހަކަ ދެއްކި ބައެއް މީހުން ބުނެފައިވާ ގޮތުގައި އޭނާ މަރާލުމުގައި ބައިވެރިވެފައިވާ ކަމަށް ތުހުމަތުކުރެވޭ ދެމީހަކު އެރަށުގެ ރައްޔިތުންވަނީ ފުލުހުންނާ ހަވާލުކޮށްފައެވެ. އެހެންނަމަވެސް އެއީ ކޮން ދެމީހަކު ކަމެއް އަދި ސާފުވެފައެއް ނުވެއެވެ.

މަހުމޫދަކީ އެރަށުގައި ކެފޭއެއް ހިންގަމުން އަންނަ ވިޔަފާރިވެރި އެކެވެ. އޭނާގެ ތިން ދަރިންނާއި އަތްނބަކު އެބަ ހުއްޓެވެ.