އެމެރިކާގެ ނޭވީ ސަބްމެރީނެއް އޭޝިއާ ޕެސިފިކް ސަރަހައްދުގައި ކަނޑު އަޑިން ދަތުރު ކުރަމުން ދަނިކޮށް، "އެއްޗެއްގައި" ޖެހި އެކްސިޑެންޓެއް ހިގާފައިވާ ކަމަށާއި އެހެންނަމަވެސް، މި އެކްސިޑެންޓުގެ ސަބަބުން އެއްވެސް މީހެއްގެ ފުރާނައަށް ގެއްލުމެއް ލިބިފައި ނުވާކަށް އެމެރިކާގެ އަސްކަރިއްޔާއިން ބުނެފިއެވެ.
އެމެރިކާގެ ނޭވީން ބުނެފައިވާ ގޮތުގައި މި އެކްސިޑެންޓުގެ ސަަބަބުން ސަބްމެރިންގެ ނިއުކުލިއަރ ޕްލާންޓުގެ އިތުރުން ސަބްމެރިންގެ އެތެރޭގައި އޮންނަ ހުސް ހުސްޖާގައަށްވެސް އެއްެވެސް ގެއްލުމެއް ލިބިފައި ނުވާކަމަށާއި، އަދި ސަބްމެރިން އޮޕަޝޭންތަކުގައި ބޭނުން ކުރެވެމުންވެސް ދާކަމުގައެވެ.
"ސަބްމެރިން އޮތީ ރައްކާތެރިކަމާ އަދި ސަލާމްތަތެރި ކަމާއެކު،" އެމެރިކާގެ ނޭވީން ބުނެފައި ވެއެވެ.
ނަން ހާމަނުކުރުމަށް އެދި ބައެއް މީޑިއާ ވާހަކަ ދައްކާފައިވާ އެމެރިކާގެ އޮފިޝަލުން ވިދާޅުވެފައިވަނީ، މި އެކްސިޑެންޓް ހިގާފައިވަނީ، ސައުތު ޗައިނާ ކަނޑުގެ ބައިނަލްއަގުވާމީ ސަރަހައްދުގައި ކަމަށާއި އަދި މި އެކްސިޑެންޓުގެ ސަބަބުން 15 މީހަކަށް ކުދިކުދި އަނިޔާތައް ވެފައިވާ ކަމަށެވެ.
އަދި އަނިޔާ ލިބު ދެމީހަކަށް ލިބިފައިވާ އަނިޔާތައް އާދައިގެ އަނިޔާތަކެއްގެ ގޮތުގައި ފާހަގަ ކުރެވޭ ކަމަށެވެ.
އުތުރަށް އޮފިޝަލް ވިދާޅުވި ގޮތުގައި މި ސަބްމެރިން މިހާރު ދަތުރު ކުރަމުންދަނީ، އިތުރު އިންސްޕެކްޝަންތަކަށް ގުއާމަށް ކަމަށާއި އަދި، ސަބްމެރިން ދަތުރު ކުރަމުން ދަނީ އޭގެ އަމިއްލައަށް ކަމުގައެވެ.
މިހާތަނަށް އައިއިރު މި ސަބްމެރިން ޖެހިފައިވނީ ކޮން އެއްޗެއްގައި ކަމެއް ރަސްމީ އެއްވެސް ފަރާތަކުން ހާމަ ކޮށްފައެއް ނުވެއެވެ
