މުޖުތަމަޢުގެ ތެރޭގައި ކޯވިޑް-19 ފެތުރި އެބަލިން ރަނގަޅުވެފައިވަނީ ކިހާ ޢަދަދެއްގެ މީހުންތޯ ދެނެގަތުމަށްޓަކައި ފަށާފައިވާ އެންޓިބޮޑީ ޓެސްޓު ހެދުން ދެ ދުވަހަށް މެދުކަނޑާލައިފިއެވެ.
އެޗްޕީއޭއިން ވިދާޅުވީ އެ އެޖެންސީއާއި، ދިވެހިރާއްޖޭގެ ޤައުމީ ޔުނިވަރސިޓީ ގުޅިގެން ކުރިއަށްގެންދާ "ސީރޯ ޕްރިވެލަންސް ސަރވޭ" މިއަދާއި މާދަމާ ކުރިއަށް ނުގެންދާނެ ކަމަށާއި، ސާމްޕަލް ނެގުމަށް ހޮވިފައިވާ މީހުންގެ ސާމްޕަލް ދެން ނަގަން ފަށާނީ މިމަހުގެ 31 ވަނަ ދުވަހުކަމަށެވެ.
? #COVID19 seroprevalence sample collection is on hold for these two days.
▫️It will resume on Sat (31/10/20) for those who got selected. Pls visit the sampling sites from 4 – 7pm.
— Health Protection Agency (@HPA_MV) October 28, 2020
"ސީރޯ ޕްރިވެލަންސް ސަރވޭ"އަކީ ރާއްޖޭގައި މިހާރުއޮތް ކޯވިޑް-19ގެ ޙާލަތުގައި އަޅާ ރައްކާތެރިކަމުގެ ފިޔަވަޅުތައް އެޅުމަށް މުހިންމު ދައުރެއް އަދާކުރާނެ ސަރވޭއެއްކަމަށް އެޗްޕީއޭއިން ވިދާޅުވެފައެވެ.
ހަތަރު އުމުރުފުރާއަކަށް ބަހާލައިގެން ކުރިއަށްގެންދާ މި ސަރވޭގެ ފުރަތަމަބުރުގައި ސާމްޕަލް ނަގާފައިވަނީ 18 އަހަރުން ދަށުގެ ކުދިންގެއެވެ. މިހާރު މި ސަރވޭގެ ދެވަނަބުރު ފަށާފައިވާއިރު 4 ހަފްތާގެ މުއްދަތެއްގެ ތެރޭގައި ސަރވޭ ނިންމާލުމަށް މަސައްކަތްކުރަމުންދާކަމަށް އެޗްޕީއޭއިން ވަނީ ވިދާޅުވެފައެވެ.
ކޮމެންޓު ފޮނުވާ