އަކްޝޭ ކުމާރުގެ ފިލްމް "ބެލްބޮޓަމް" ޑިޖިޓަލް ޕްލެޓްފޯމް އެމޭޒަން ޕްރައިމް އިން ދައްކަން ފަށައިފިއެވެ.
ސިނަމާތަކުގައި އެޅުވުމަށް ފަހު ބެލުންތެރިންނަށް ވީހާވެސް ފަސޭހައިން ފިލްމު ބަލާލުމުގެ ފުރުސަތު ދިނުމުގެ ގޮތުން އޮންލައިން ޕްލެޓްފޯމަކަށް ފިލްމު ލާފައި މިވަނީ ކޯވިޑްގެ ސަބަބުން ސިނަމާތަކުގައި ފިލްމުބެލުމަށް އާންމުންނަށް ހުރި ދަތިތަކުގެ ސަބަބުންނެވެ. ކޯވިޑްގެ ސަބަބުން އެންމެ ބޮޑު ހީނަރުކަމެއް ލިބުނު އެއް އިންޑަސްޓްރީ އަކީ ބޮލީވުޑް އިންޑަސްޓްރީއެވެ.
ކޯވިޑްގެ ސަބަބުން ބަންދުކޮށްފައިވާ ސިނަމާތަށް ހުޅުވާލުމަށް މިދިޔަ މަހުގެ 19 ވަނަ ދުވަހު އެޅުވި ފިލްމަކީ ބެލްބޮޓަމް އެވެ.
Sync your calendars, the mission goes live in 3, 2, 1…
Watch #BellBottomOnPrime now, a story inspired by true events : https://t.co/Tk0VqBJDtk@PrimeVideoIN @vashubhagnani @vaaniofficial @humasqureshi @LaraDutta @ranjit_tiwari @jackkybhagnani @honeybhagnani @poojafilms pic.twitter.com/1vanoOFUFw— Akshay Kumar (@akshaykumar) September 16, 2021
މި ފިލްމުގައި އަކްޝޭއާއެކު ފެނިގެންދިޔަ ތަރިންގެ ތެރޭގައި ވާނީ ކަޕޫރު، ހުމާ ގުރައިޝީ، ލާރާ ދައްތާ އަދި އާދިލް ހުސައިން ހިމެނެއެވެ. މި ފިލްމަކީ ވާޝޫ ބަގްނާނީ ޕޫޖާ އެންޓަޓައިންމަންޓާއި ނިކިލް އަދުވާނީގެ އެންމޭ އެއްޓަޓައިންމަންޓް ގުޅިގެން ގެނެސްދީފައިވާ ފިލްމެކެވެ.
މި ފިލްމް އަކީ ހަގީގީ ހާދިސާއެއްގެ މައްޗަށް ބިނާކޮށް ހަދާ ފިލްމެކެވެ. އިނގިރޭސިވިލާތުގައި އެއްކޮށް ޝޫޓްކުރި "ބެލްބޮޓަމް" އަކީ ރަންޖީތު ތިވާރީ ޑައިރެކްޓްކޮށްފައިވާ ސްޕައި ތުރިލާއެކެވެ.
