މިސްރުގައި އިމާރާތެއް ވެއްޓި 4 މީހަކު މަރުވެއްޖެ

މިސްރުގައި މިހުން ދިރިއުޅެމުން ދިޔަ އިމާރާތެއް ވެއްޓި 4 މީހަކު މަރުވެއްޖެއެވެ.

މިސްރުގެ ޤަޔޫބިއާ ގަވަރުނަރޭޓްގައި ހުންނަ 4 ފަންގިފިލާގެ މި އިމާރާތަކީ، ގިނަ އަދަދެއްގެ މުވައްޒަފުން މަސައްކަތް ކުރާ ލޯފާމެއް ހުންނަ އިމާރާތެއްކަމަށް މިސްރުގެ ލޯކަލް މީޑިއާތަކުން ރިޕޯޓު ކޮށްފައި ވެއެވެ. އަދި އިމާރާތް ވެއްޓުނު އިތުރު، މި ލޯފާމުގައި ގިނަ އަދަދެއްގެ ބަޔަކު މަސައްކަތް ކުރަން ތިބި ކަމަށްވެސް މީޑިއާތަކުން ރިޕޯޓު ކޮށްފައި ވެއެވެ.

އިމާރާތް ވެއްޓުމާއެކު، މީހުން ސަލާމަތްކުރުމަށްޓަކާ އެމްބިއުލާންސްތައް ހާދިސާ ހިގި ސަރަހައްދަށް ގޮސްފައި ވެއެވެ. އަދި މަރުވި މީހުންނާއި އަނިޔާވި މީހުންވެސް ހޮސްޕިޓަލްތަކަށް ވަގުތުން ވަނީ ގެންދެވިފައެވެ.

މީޑިއާ ރިޕޯޓުތައް ބުނާ ގޮތުގައި، މީހުން ސަލާމަތްކުރާ ފަރާތްތަކުން ވެއްޓިފައިވާ އިމާރާތުގެ ދަށުން 4 މީހެއްގެ ހަށިގަޑުވަނީ ނަގާފައެވެ. އޭގެ ތެރޭގައި ހިމެނޭ 3 މީހަކީ ލޯ ފާމުގައި މަސައްކަތް ކުރާ 3 ލޯޔަރެއްގެ ހަށިގަޑެވެ. އަދި 4 ވަނަ މީހަކީ ލޯ ފާމުން ޚިދުމަތް ހޯދަމުން ދިޔަ މީހެކެވެ.

މިސްރުގެ ކަމާގުޅުން ހުރި މުވައްސަސާތަކުން މިހާރުދަނީ މިހާދިސާ ތަހުގީގް ކުރަމުންނެވެ.

އަދިވެސް މީހުން ސަލާމަތްކުރާ ޓީމުންތަކުންދަނީ  ވެއްޓުނު އިމާރާތުގެ ދަށުގައި ތާށިވެފައިތިބި މީހުން ސަލާމަތް ކުރުމަށް މަސައްކަތް ދަނީ ކުރަމުންނެވެ.