ސިވިލް ކޯޓުގެ ޤާޟީ ޢަލީ ނަސީރުގެ މައްސަލައެއް ޖުޑީޝަލް ސާރވިސް ކޮމިޝަން (ޖޭއެސްސީ)އަށް ހުށައަޅައިފިއެވެ. މި މައްސަލަ ޖޭއެސްސީއަށް ހުށައެޅުއްވީ ރައީސް ނަޝިދުގެ ކޮއްކޯފުޅު ނާޒިމް ސައްޠާރުއެވެ. ޤާޟީ ޢަލީ ނަސީރަކީ ރިހިވެލި ރިސޯޓްގެ މައްސަލާގައި ޙުކުމް އިއްވެވި ޤާޟީއެވެ.
ސިވިލް ކޯޓުން ކުރި ހުުމުގައި ވަނީ، ރިހިވެލި ރިސޯޓް ހިންގުމަށް ސޭވް ދަ ޑްރީމް މޯލްޑިވްސްއާއި އެކު މާހަލް ޓްއާސް ޕްރައިވެޓް ލިމިޓެޑުގެ ފަރާތުން ހަދާފައިވާ ސަބްލީސް އެއްބަސްވުން ބާތިލްކުރުމަށް މާހަލް އިން ފޮނުވާފައިވާ ނޯޓިހަކީ ސައްހަ ނޯޓިހެއް ކަމަށްކަމަށެވެ. އަދި އެ ނޯޓިސްގެ ދަށުން ސަބްލީސް އެއްބަސްވުން ބާތިލްވެފައިވާތީ ސޭވް ދަ ޑްރީމް މޯލްޑިވްސް އަށް ނުވަތަ އެ ކުންފުނީގެ ހިއްސާދާރަކަށް ވެސް މާހަލް ޓުއާސްގެ ނުރުހުމުގައި ރިހިވެލި ބީޗު ރިސޯޓުގައި އިތުރަށް ދެމިތިބުމުގެ ނުވަތަ އެ ތަނުން މަންފާ ހާސިލްކުުރުމުގެ ހައްގެއް ލިބިގެން ނުވާ ކަމަށްވެސް ޢަލީ ނަސީރު އިއްވެވި ހުކުމުގައިވެއެވެ.
މި މައްސަލާގައި ވަކާލާތުކުރައްވަނީ ނާޒިމް ސައްތާރެވެ. ޖޭއެސްސީއަށް ހުށައެޅުއްވި ޤާޟީ ޢަލީ ނަސީރުގެ މައްސަލާގައި ވަނީ، އެ ޙުކުމް އިއްވެވުމުގެ ކުރިން ޤާޟީ ޢަލީ ނަޞީރުގެ ޙުކުމް ދައުވާލިބޭ ފަރާތަށް އެނގިފައި އޮތްކަމަށެވެ.
ރިހިވެލީގެ މައްސަލައިގެ ޙުކުމުގެ އަޑު އިއްވުން ނިމުނީ 31 އޮގަސްޓް 2021 ގެ 15.50 އެހާ ކަންހާއިރުކަމަށާއި، ޙުކުމުގައި އޮތީ ސަބްލީސް އެގްރީމެންޓް ބާޠިލްކުރުމަށް ޓަކައި، މާހަލް ޓުއަސްގެ ފަރާތުން ސޭވް ދަ ޑްރީމް މޯލްޑިވްސްއަށް ފޮނުވާފައިވާ ޓާރމިނޭޝަން ނޯޓިސްއަކީ ސަބްލީސް އެގްރީމެންޓުގެ ދަށުން ފޮނުވާފައިވާ ސައްހަ ނޯޓިސްއެއްކަ މަށާއި، އެނޯޓިސްގެ ދަށުން ސޭވް ދަ ޑްރީމް އާއި، މާހަލް ޓުއަސްއާ ދެމެދު ސޮއިކުރެވިފައިވާ ސަބްލީސް އެއްބަސްވުން ބާތިލްވެފައިވާތީ ސޭވް ދަ ޑްރީމް މޯލްޑިވްސްއަށް ނުވަތަ އެކުންފުނީގެ ހިއްސާދާރަކަށްވެސް މާހަލް ޓުއަސް ޕްރައިވެޓް ލިމިޓެޑުގެ ނުރުހުމުގައި ރިހިވެލި ބީޗް ރިސޯޓުގައި އިތުރަށް ދެމިތިބުމުގެ ނުވަތަ އެތަނުން މަންފާ ހާސިލްކުރުމުގެ ހައްޤެއް ލިބިގެން ނުވާކަމަށް ޖޭއެސްސީގެ ރައީސްއަށް ފޮނުވި ސިޓީގައިވެއެވެ.
Have submitted complaint against qazi ali naseer pic.twitter.com/YZEtwXQq8U
— Nazim Sattar (@nazimsat) September 4, 2021
ސިވިލް ކޯޓުގެ ޤާޟީ ޢަލީ ނަޞީރަށް، މި ޙުކުމް އިއްވައި ނިމުނީ 31 އޮގަސްޓް 2021 ގެ 15.50 އެހާ ކަންހާއިރު ނަމަވެސް މި ހުކުމާ ވިދިގެން މާލެ އަތޮޅު ދެކުނުގައި އޮންނަ ކ.މަހާނައެޅިހުރާ (ރިހިވެލިބީޗް) އަށް، ދަޢުވާލިބޭ ފަރާތުން އެރި އިރު ގަޑިން 1615 ކަމަށް ވިދާޅުވެފައިވެއެވެ.
ލޯންޗެއްގައި މާލޭން ފުރައިގެން އެ ރަށަށް ދެވެނީ، ކަނޑުމަޑު ދުވަހެއްނަމަ 45 މިނެޓުނެވެ. 4. އަދި 1615 ގައި ރިހިވެލި ރިސޯޓަށް އަރައިގަތް މީހުންގެ އަތުގައި އޮތް، މާހަލް ޓްއާސް ޕްރައިވެޓް ލިމިޓެޑްގެ ނަންބަރު 0016/31-08/2021/MTL (31 އޮގަސްޓް 2021) ސިޓީގައި (އެޓޭޗް ކުރެވިފައި) ގަޑިއަކަށް ޖަހާފައި އޮތީ 16:05 އެކެވެ. ވީމާ ހުކުމް ކުރުމާއި ރިހިވެއްޔަށް އަރައިގަތް ގަޑިއާ ދެމެދު 45 މިނެޓް ނުވާކަން އެނގެއެވެ. މިހެން ކަމުން ކޯޓުގެ ނަންބަރު 2020/Cv-C/3221 ޤަޟިއްޔާގައި ކުރަން އޮތް ޙުކުމެއް، ދަޢުވާލިބޭ ފަރާތަށް އެނގިފައި އޮތީ ޤާޟީ ޢަލީ ނަޞީރުގެ މާލުންކަމުގައިވާތީ، އޭނާގެ މައްޗަށް ފިޔަވަޅު އަޅައިދެއްވުމަށް އަޅުގަނޑުގެ މުވައްކިލު އެދޭ ވާހަކަ ދެންނެވީމެވެ.
– ޖޭއެސްސީއަށް ހުށައެޅި މައްސަލާގައިވެއެވެ.
ރިހިވެލީގެ މ ައްސަލާގައި ޖޭއެސްސީއަށް މައްސަލައެއް ހުށައަޅާފައިވާއިރު، ސަބްލީޒް އެގްރިމެންޓެއްގެ ދަށުން ރިހިވެލި ރިސޯޓް ހިންގަމުން އައި ފްރާންސް ކުންފުނީގެ މުވައްޒަފުން އެތަނުން ގަދަކަމުން ބޭރުކުރަން ބަޔަކު މަސައްކަތްކޮށް ރިސޯޓްގައި ހަމަނުޖެހުންތަކެއް މިދިޔަ މަހުގެ 31 ވަނީ ހިނގާފައެވެ. މާހަލް އަށް ރިސޯޓްގެ ކޮންޓްރޯލް ހޯދަން އެތަަނަށް އެރި ބައެއް މީހުން، ފްރާންސްގެ އަންހެނަަކަށް ހުރަސް އަޅާ މަންޒަރު ފެންނަ ވީޑިއޯ އެއް ސޯޝަލް މީޑިއާގައި މިހާރު ވަނީ އާއްމުކޮށްފަ އެެވެ. އަދި މިކަމާ ކަންބޮޑުވުން ފާޅުކޮށް ރިސޯޓްގެ މެނޭޖްމަންޓުން ވާހަކަ ދައްކާ ވީޑިއޯއެއް ވެސް ވަނީ އާންމުކޮށްފައެވެ.
