ރައީސް ޔާމީންގެ ވެރިކަމުގައި ފަށާފައިވާ ތަރައްޤީގެ މަޝްރޫޢުތަކުގެ ނަން ބަދަލުކޮށްގެން، އެއީ މިސަރުކާރުން ކުރިކަމެއްކަމަށް ދައްކަން މަސައްކަތް ކުރިނަމަވެސް އެއީ ވެފައިވާ ވައުދު ފުއްދުންކަމަށް ނުވާނެކަމަށް އިދިިކޮޅު ޕްރޮގްރެސިވް ކޯލިޝަންގެ ކައުންސިލް މެމްބަރު މުހައްމަދު ސައީދު ވިދާޅުވެއްޖެއެވެ.

މިސަރުކާރުން ރައްޔިތުންގެ ބޯހިޔާވަހިކަމަށް ވެފައިވާ ވައުދުތައް ފުއްދުމަށް އެއްވެސް މަސައްކަތެއް ނުކުރައްވާކަން ހާމަކޮށް ސައީދު ވިދާޅުވީ ހުޅުމާލޭގައި މިހާތަނަށް މިސަތުކާރުން އަމަލީ ގޮތުން ހިންގާ އެއްވެސް ބޯހިޔާ ވަހިކަމުގެ މަޝްރޫޢެއް ކުރިއަށް ނުދާކަމަށެވެ. ބޯހިޔާވަހިކަމުގެ ވައުދަކީ ސަރުކާރުން ރައްޔިތުންނަށްވެ ވެރިކަމުގެ ދައުރުގެ ބޮޑުބައި ނިމިގެންދިޔަ އިރުވެސް ފުއްދިފައިނުވާ ބިލާހެއް ފަދަ ވައުދެއްކަމަށް ސައީދު ވިދާޅުވިއެވެ.

ސައީދު ވިދާޅުވީ ރައީސް ޔާމީންގެ ވެރިކަމުގައި ރައްޔިތުންނަށް ބޯހިޔާވަހިކަން ފޯރުކޯށް ދެއްވުމަށް ފެއްޓެވި ހިޔާ މަޝްރޫޢުގެ ނަން ބަދަލުކޮށް ބޯހިޔާ ވަހިކަމުގެ ވައުދު ފުއްދުމުގެ ކުލަ ހުވަފެން ދެއްކުމަށް ރައީސް ޔާމީން ޕްރޮޖެކްޓަށް ދެއްވި ނަން ބަދަލުކޮށްފައިވާކަމަށެވެ. މިއީ ރައްޔިތުންނަށް އޮޅުވާލެވޭ އޮޅުވާލުމެއް ކަމަށާއި، ވިނަރެސްގެ ނަމުގައި ފްލެޓް މަޝްރޫޢުގެ ނަން ބަދަލު ކުރުމަކީ ވެފައިވާ ވައުދު ފުއްދޭ ކަމެއް ނޫންކަމަށް ސައީދު ވިދާޅުވިއެވެ.

ހުޅުމާލޭ ފޭސް 2 ގައި ރައީސް ޔާމީން ފެއްޓެވި ހިޔާ މަޝްރޫޢު 2017 އިން ފެށިގެން ކުރިއަށް، މިމަޝްރޫޢުގެ ތަސައްވަރު އޮޅުވާލުމަށް "ވިނަރެސް"ގެ ނަމަށް ބަދަލު ކުރުމުން އެ އޮޅުވާލެވެނީ ރައްޔިތުންނަށް. މި ސަރުކާރުން ބޯހިޔާވަހިކަމުގެ އަމަލީ އެއްވެސް މަސައްކަތެއް ހުޅުމާލޭގައި ފައްޓާފައެއް ނުވޭ. ނަންބަދަލު ކުރުމަކުން ވައުދެއް ނުފުއްދޭނެ.

– ސައީދު ވިދާޅުވިއެވެ.

HM2 gai RY fettevi HIYAAmashroou 2017in feshigen kuria’h.Mi mashroou ge thasavvaru olhuvaalumah VINARES ge namah badhalu kurumun e olhuvaalevenee rayyithunnah.Misarukaarun boahiyaakamuge amalee evves masakkatheh HMgai adhi fattaafa eh nuvey.Nanbadhalukurumakun vaudheh nufudheyne pic.twitter.com/uGH4OS4PEX

— Mohamed Saeed (@em_saeed) September 3, 2021

ސަރުކާރުން ވެފައިވާ ބޯހިޔާވަހިކަމުގެ ވައުދުތައް ފުއްދުމަކީ މިހާރު ވުމަށްވުރެއް ނުވުން ގާތްކަމެއްކަމަށް ގިނަ ބަޔަކު ދަނީ ބުނަމުންނެވެ. އަދި ރައީސް ޔާމީންގެ ވެރިކަމުގައި އެޅި ހިޔާ މަޝްރޫޢުގެ ފްލެޓްތައްވެސް މިސަރުކާރުން ރައްޔިތުންނަށް ދޭން ފެށީ ދައުރު ދެބައިވެފައި ވަނިކޮށްކަން ގިނަ ބަޔަކު ދަނީ ފާހަގަ ކުރަމުންނެވެ.