އދ. އޮމަދޫގައި 11 މަހުގެ ކުއްޖަކު މަސް ފެންގަނޑަކަށް ވެއްޓި މަރުވެއްޖެއެވެ.
އޮމަދޫ ކައުންސިލުން ބުނީ، 11 މަހުގެ ކުއްޖާ ގެންގަނޑަށްވެއްޓުނީ މެންދުރުފަހު 14:00ހާއިރުކަމަށެވެ. އެރަށު ޖަނަވަރީގޭގައި ހަދައިފައި ހުންނަ މަސްފެންގަނޑަކަށް ވެއްޓި ހިނގި މިހާދިސާއާއި ގުޅިގެން އެކުއްޖާ ސިއްޙީ މަރުކަޒަށް ގެންދިޔައިރުވެސް އޮތީ މަރުވެފައިކަމަށް ސިއްޙީ މަރުކަޒާއި ހަވާލާދެއްވާ އެރަށު ކައުންސިލުން ބުންޏެވެ.
ނަމަވެސް މިހާދިސާ ހިނގަން މެދުވެރިވި ސަބަބެއް އަދި ސާފެއް ނުވެއެވެ.
މީގެ ކުރިންންވެސް ގޭގެގައި ހަދާފައި ހުންނަ މަސްފެންގަޑަށް ކުދިން ވެއްޓުމުގެ ހާދިސާތައް ހިނގާފައިވެއެވެ. މިގޮތުން މި އަހަރުގެ މާޗު މަހު ރ.އުނގޫފާރުގައި ވެސް ވަނީ އެއް އަހަރާ ހަތަރު މަހުގެ ކުއްޖެއް މަސްފެންގަޑަކަށް ވެއްޓިފައެވެ. އެކުއްޖާއަށް ވަނީ އައިސީޔޫގައި ވެސް ފަރުވާ ދީފައިވެއެވެ.
