އައްސޭރިޖަލާއި މާފުށީ ޖަލުގައި ހިންގި އޮޕަރޭޝަން ތަކެއްގައި ޖަލަށް ވެއްދުން މަނާ ގިނަ އަދަދެއްގެ ތަކެތި ކަރެކްޝަނުން އަތުލައިގަނެފިއެވެ.
ކޮމިޝަނަރ އޮފް ޕްރިޒަންސް އަހުމަދު މުހައްމަދުފުޅު ކުރެއްވި ޓްވީޓެއްގައި ވިދާޅުވީ ޖަލުތަކަށް މަނާތަކެތި ވެއްދުން ހުއްޓުމަށްޓަކައި ދާއިމީ ހައްލެއް ލިބެންދެން މިފަދަ އޮޕަރޭޝަންތައް ގާތް ގާތުގައި ހިންގުމަށް ހަމަޖެހިފައިވާކަމަށެވެ. ޖަލަށް ވެއްދުން މަނާތަކެތި ވެއްދުން ހުއްޓުވުމަށް ކަރެކްޝަން އޮފިސަރުން ކުރަންޖެހޭ މަސައްކަތް ކުރަމުންދާނެކަމަށް އަހުމަދު ވިދާޅުވިއެވެ.
މިއަދާއި ހުސްވި ހަފްތާގައި އައްސޭރިޖަލާއި މާފުށީ ޖަލުގައި ވަނީ ކައިރިކައިރީގައި އޮޕަރޭޝަންތަކެއް ކުރިއަށް ގެންދެވިފައި. މިއޮޕަރޭޝަންތަކުގައި ގިނަ އަދަދެއްގެ މަނާތަކެތި ވަނީ އަތުލާގަނެވިފައި މިމައްސަލައަށް ދާއިމީ ހައްލު ހޯދެންދެން، އަވަސްއަވަހަށް އޮޕަރޭޝަންތައް ކުރިޔަށް ގެންދެވޭނެ.
– އަހުމަދު ވިދާޅުވިއެވެ.
މިއަދާއި ހުސްވި ހަފްތާގައި އައްސޭރިޖަލާއި މާފުށީ ޖަލުގައި ވަނީ ކައިރިކައިރީގައި އޮޕަރޭޝަންތަކެއް ކުރިއަށް ގެންދެވިފައި. މިއޮޕަރޭޝަންތަކުގައި ގިނަ އަދަދެއްގެ މަނާތަކެތި ވަނީ އަތުލާގަނެވިފައި މިމައްސަލައަށް ދާއިމީ ހައްލު ހޯދެންދެން، އަވަސްއަވަހަށް އޮޕަރޭޝަންތައް ކުރިޔަށް ގެންދެވޭނެ pic.twitter.com/9TPpefPBOX
— Ahmed Mohamed (@ahumadhumohamed) August 7, 2021
ޖަލަށް މަސްތުވާތަކެއްޗާއި ފޯނުތައް ވެއްދުމަށް ވަރަށް ގިނައިން މަސައްކަތް ކުރެއެވެ. ނަމަވެސް ފުލުހުންނާއި ޖަލުގެ އޮފިސަރުން ގުޅިގެން ހިންގާ އެކި އޮޕަރޭޝަންތަކުގައި މި ފަދަ ގިނަ ތަކެތި ފުލުހުން ދަނީ އަތުލައިގަންނަމުންނެވެ.
ޖަލަށް ވެއްދުން މަނާތަކެތި ވައްދާ މައްސަލައަށް ހައްލު ހޯދުމަށް ކަރެންޝަނުން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން އައްސޭރި ޖަލުގެ ވަށާފާރު އުސްކުރުމުގެ ޕްރޮޖެޓް މިހާރުވަނީ ބަޔަކާއި ހަވާލުކުރެވިފައިވާކަމަށާއި، މިމަހުގެ 29 ވަނަ ދުވަހު މިކަމުގެ އަމަލީ މަސައްކަތް ފެށިގެންދާނެކަމަށް އަހުމަދު ވިދާޅުވިއެވެ.
ގަވާއިދާއި ޚިލާފަށް އައްސޭރި ޖަލަށް ވައްދާ ތަކެތި ހުއްޓުވުމަށާއި، ފާރުމަތިން ޖަލު ތެރެއަށް ވެއްދުން މަނާތަކެތި އުކާ މައްސަލައަކަށް މިއާއިއެކު ހައްލު ލިބިގެންދާނެކަމަށް ސީޕީ އަހުމަދު ވިދާޅުވިއެވެ.
