އެމް.ޑީ.ޕީގެ ރައީސް، ރައީސް މުހައްމަދު ނަޝީދުގެ ގޮވާލެއްވުމަށް އިޖާބާދެއްވައި، އެމް.ޑީ.ޕީގެ އަސާސްތައް ދިފާއުކުރައްވައި، ހައްގުގެ މަގަށް ރުޖޫޢަ ވެވަޑައިގެންނެވުމަށް އެމް.ޑީ.ޕީގެ މާފަންނު މެދު ދާއިރާގެ ފަރާތުން ސަރުކާރަށް ގޮވާލައިފިއެވެ.
ސަރުކާރާއި އިއްތިހާދުވެފައިވާ ބައެއް ޕާޓީތައް ރުއްސުމުގެ މަގްސަދުގާ އެމްޑީޕީގެ ޒަމާންވީ އުސޫލުތަކާއި އަސާސްތަށް ބޮލާލާނުޖެހުމަށް އެމްޑީޕީގެ ރައީސް, ރައީސް މުހައްމަދު ނަޝީދު ގޮވާލެއްވި ގޮވާލުމަށް ތާއީދުކޮށް މިހާތަނަށް އެމްޑީޕީގެ 7 ދާއިރާއަކުން ވަނީ ބަޔާން ނެރެފައެވެ. މީގެ އިތުރުން އެމްޑީޕީގެ އެތެރޭގެ ގޮފިތަކުގެ ތެރެއިން އަންހެނުންގެ ރޫޙުންނާއި، ޒުވާނުންގެ ހިއްވަރުންވެސް ވަނީ ބަޔާން ނެރެފައެވެ.
މާފަންނު މެދު ދާއިރާއިން ނެރުނު ބަޔާނުގައި ބުނެފައިވަނީ ސަރުކާރުގެ އިއްތިހާތުގައި ހިމެނޭ ބައެއް ޕާޓީތަކުގެ ސީޔާސީ މަގުސަދުތައް ހާސިލުކުރަން ސަރުކާރުން އިސްކަންދިނުމުގެ ބަދަލުގައި މުޖުތަމައުގައި ނަފްރަތު އުފެއްދުން ހުއްޓުވާ އަނިޔާވެރި އަމަލުތަކާއި ދެކޮޅަށް ފިޔަވަޅު އެޅުމަކީ މިގައުމުގެ މުސްތަގުބަލުގެ ޖީލުތަކަށްޓަކާ ކޮންމެހެންކުރާންޖެހިފައިވާ ކަމަކަށްވީހިނދު, އެމްޑީޕީއިން ވެފައިވާމިފަދަ އެންމެހާ ވައުދުތަކަށް ސަރުކާރުން އިސްކަންދޭންޖެހޭކަމަށް ރައީސް މުހަންމަދު ނަޝީދާއެކު އެދާއިރާތަކުން އިއްތިފާގުވާކަމަށެވެ.
ރާއްޖޭގައި އިސްލާމްދީނުގެ މަތިވެރި އުސޫލުތައް ހިފެހެއްޓުމަށާއި ޒުވާނުންގެ މުސްތަގުބަލު އުޖާލާކުރުމަށާއި, ރައްޔިތުންގެ އަސަސީ ހައްގުތައް ހިމާޔަތްކުރުމަށާއި އެމްޑީޕީއިން ރައްޔިތުންނަށް ވިއްކި އެންމެހާ ވައުދުތައް ފުއްދުމަށް ސަރުކާރުން އަވަސްވެގަތުމަށާއި، އަދި އެމްޑީޕީގެ މިފަދަ އެންމެހާ އަސާސްތަކަށް އިޙްތިރާމްކުރުމަށްވެސް މިހާތަނަށް ބަޔާން ނެރުނު ދާއިރާތަކުން ވަނީ ސަރުކާރަށް ގޮވާލާފައެވެ.
މާފަންނު މެދު ދާއިރާއަކީ ރައްޔިތުންގެ މަޖިލީހުގެ އެމްޑީޕީގެ މެމްބަރު މުހައްމަދު ރަޝީދު (ބޮންޑޭ) ނިސްބަތްވާ ދާއިރާއެވެ.
One Response
ޙައްގުމަގައް ރުޖޫއަވުމަކީ ނަސީދު ވިދާޅުވާހާގޮތަން ކަންތައްކުރުންތަ އެހަން ތިމީހުން ހަމަބިމަން ފާބަން ވެއްޖެއްންނު