މަޝްހޫރު ފިލްމީ ތަރި ޝާހިދު ކަޕޫރުގެ އަންހެނުންނަކީ އަބަދުވެސް ޚަބަރުތަކުގެ ފަލަސުރުހީތަކުން ޖާގަހޯދާ މީހެކެވެ. އޭނާގެ ހަރަކާތްތައް ފާރަލައި ބަލާ އެތަށް ބަޔަކު އުޅެއެވެ. އިންސްޓަގްރާމްގައި ވަރަށް ހަރަކާތެރި މީރާ ރާޖްޕުތު މިވަނީ އަނެއްކާ ވެސް އެތައް ބައެއްގެ ހިތް އަތުލާފަ އެވެ.
އޭނާ ވަނީ ޔޯގާ ހަދަމުންދާއިރު ހިތަށް އަރަނީ ކީކޭކަން ހާމަކޮށް މަޖާ ވީޑިއޯއެއް އިންސްޓަގްރާމްގައި ޕޯސްޓްކޮށްފަ އެވެ. މި ވީޑީއޯއަކީ ޔޯގާ 101: އެކްސްޕެކްޓޭޝަން ވާސަސް ރިއަލިޓީގެ ނަމުގައި އޭނާ ޕޯސްޓްކޮށްފައިވާ ވީޑީއޯއެކެވެ.
މީރާ އަންނަނީ އިންސްޓަގްރާމް މެދުވެރިކޮށް ތަފާތު ކަންކަމުގައި ޓިޕްސްތަށް ވެސް ހިއްސާކުރަމުންވެ. ކުދިން ތަރުބިއްޔަތު ކުރުމާ ބިއުޓީ އަދި ގޭތެރޭގެ ކަންކަމާއި ބެހޭގޮތުން އޭނާ ވާހަކަދައްކައެވެ.
މީގެ އިތުރުން ކަސްރަތަކީ އޭނާ އެންމެ އިސްކަމެއްދޭ އެއްކަމެވެ. އަދި ކަސްރަތު ކުރުމަށް މޯޓީވޭޓް ވާފަދަ ވީޑިއޯތަށް ވެސް އޭނާ އަންނަނީ ހިއްސާ ކުރަމުންނެވެ. ދެކުދިންގެ މަންމަ އަންނަނީ ކަސްތަރާއި ބެހޭގޮތުން ހާއްސަކޮށް ޔޯގާގެ މުހިންމު ކަމާއި ބެހޭގޮތުން މީހުން ހޭލުންތެރިކުރުމަށް މަސައްކަތް ކުރަމުންނެވެ.
ކޮމެންޓު ފޮނުވާ