މީގެ އަހަރުތަކެއް ކުރިން ފައިސާގެ ދަތިކަން ކުރިމަތިވެ އަތްމަތި ދަތިވީއިރު އެންމެން ގެ ފަރާތުންވެސް އެހީތެރިކަން ލިބުނު ކަމަށް ބޮލީވުޑްގެ މަޝްހޫރު ކޮމޭޑިއަން ރާޖްޕާލް ޔާދަވް ބުނެފި އެވެ.
2018 ވަނަ އަހަރު ލޯނެއް ނުދެއްކުމުގެ ސަބަބުން ރާޖްޕާލަށް ވަނީ 3 މަސްދުވަހު ޖަލުގައި ހޭދަކުރަން ޖެހިފައެވެ. އެއީ އޭނާ ބެންކުން ނެގި 5 ކަރޯޑް ރުޕީސްގެ ލޯނެއް ނުދެއްކިގެންނެވެ.
އިންޓަވިއުއެއް ގައި ވާހަކަދައްކަމުން އޭނާ ބުނެފައިވަނީ މިހާ ހިސާބަށް އާދެވުނީ އޭނާއަށް ހެޔޮއެދޭމީހުންގެ ސަބަބުން ކަމަށެވެ. އެމީހުންގެ އެހީ ނުލިބުނުނަމަ އޭނާ މިއަދު އުޅޭނެ ހާލެއްވެސް ނޭނގޭކަަމަށް ރާޖްޕާލް ބުނެފައިވެ އެވެ.
ފިލްމީ ދާއިރާގައި ސްޓްރަގަލް ކުރި ދުވަސްތަކުގެ ހަަދާން ކުރަމުން ބުނެފައިވަނީ ދުއްވާ އެއްޗަކަށް އަރާނެ ލާރި އަތުގައި ނެތުމުން އޭނާ މުމްބާއީ މަގުމަތީގައި މަސައްކަތް ހޯދުމަށް ހިނގާފައި އުޅުން ދުވަސްތަކެއް ވެސް ދިއަކަމަށެވެ.
ތަންތަނަށް ދާއިރު އެހެން މީހުންނާއި އެކު އޮޓޯ ޝެއާ ކޮށްގެން ދަތުރުކުރި ހަދާންތަށް ވެސް އޭނާ ވަނީ އާކޮށްފަ އެވެ. އަދި މުމްބާއީ ފަދަ ނުދައްނަ ސިޓީއެއްގައި އުޅެން ޖެހުމުން އޭނާ ތަޖުރިބާ ކުރީ ތަފާތު ކަންތައްތަކެއް ކަމަށާއި، ނަމަވެސް މިހާރު އެ ހުރިހާ ކަމެއް ބަދަލުވެފައިވަނީ ހެޔޮއެދޭ މީހުންގެ ސަބަބުން ކަމަށް ރާޖްޕާލް ބުނެއެވެ.
ރާޖްޕާލް ދެން އެންމެ އަވަހަށް ފެނިގެންދާނީ ފިލްމް "ހަންގާމާ 2″ އިންނެވެ. މި ފިލްމްގައި އޭނާއާއެކު ޕަރޭޝް ރާވަލް އަދި ޝިލްޕާ ޝެއްޓީވެސް ފެނިގެން ދާނެއެވެ.
