ދާދިފަހުން ފުރަތަމަ ދަރިފުޅު ވިހޭކަން އިއުލާންކުރި، ބޮލީވުޑްގެ ތަރި ދިއާ މިރްޒާ އޭނާގެ ދޮންދަރިއާއެކު ނަށާ ވީޑީއޯއެއް ވައިރަލްވެއްޖެ އެވެ.
އެއް ވައްތަރުގެ ހެދުން ލައިގެން މި ދެމީހުން ނަށާފައިވަނީ "މައި ބެސްޓީ" އަށެވެ. މި ވީޑިއޯގައި ވަނީ ސަންޑޭ ފަންޑޭގެ ހޭޝްޓެގް ވެސް ބޭނުން ކޮށްފަ އެވެ.
View this post on Instagram
ދިއާ މިރްޒާ އާއި ވެއިބަވް ރޭކީ ކައިވެނިކޮށްފައިވަނީ މިއަހަރުގެ ފެބްރުވަރީ މަހުގެ ތެރޭގައެވެ. އަދި ޖުލައި 14 ގައި ދިއާ ވަނީ އޭނާ އަށް ފިރިހެން ކުއްޖަކު ލިބުނު ކަން އިއުލާންކޮށްފަ އެވެ. ނަމަވެސް މާބަނޑު އިރު ދިމާވި ބައެއް ކަހަލަ މައްސަލަތުގެ ސަބަބުން އެމަޖެންސީކޮށް ދަރިފުޅު ނަގާފައި ވަނީ މީގެ ދެމަސްކުރިން މޭ މަހުގެ 14 ވަނަ ދުވަހުކަމަށް ދިއާ ވަނީ ބުނެފަ އެވެ.
ކައިވެންޏަށް ފަހު އެޕްރިލް މަސްތެރޭގައި ދިއާ ވަނީ ރާއްޖޭގައި ހަނީމޫން ހޭދަކޮށްފަ އެވެ. މި ހަނީމޫން ގައިވެސް ވެއިބަވްގެ ކުރީ ކައިވެނިން ލިބުނު އަންހެން ދަރިފުޅު ސަމައިރާ ވަނީ ބައިވެރިވެފަ އެވެ.
ދިއާ ބަނޑުބޮޑު ކަން އިއުލާން ކުރީ މި ހަނީމުނަށްފަހު މުމްބާއީއަށް އެނބުރިގޮސްފަ އެވެ. އަދި އިންސްޓަގްރާމްގައި މިކަން އިއުލާން ކުރުމަށް ބޭނުން ކޮށްފައިވަނީ ރާއްޖޭގައި ނަގާފައިވާ ފޮޓޯއެކެވެ.
