އެމްޑީޕީ ތެރޭގައި މިހާރު ކުރިއަށްދަނީ ޑީއާރުޕީން އެމްޑީޕީ ޖަހައި ގަތުމުގެ މަސައްކަތް ކަމުގައި ކުރީގެ ވަޒީރު މުހައްމަދު މަލީހު ޖަމާލު ވިދާޅުވެއްޖެއެވެ.
ރައީސް ނަޝީދަށް ދިން ނުރައްކާތެރި ހަމަލާއަށްފަހު އެމްޑީޕީގެ ތެރޭގައި އުފެދިފައިވާ ބައިބައިވުމާއި އެކު، އެޕާޓީވަނީ ވަރަށް ބޮޑަށް ބައިބައިވެފައެވެ. ރައީސް މުހައްމަދު ނަޝީދުއާއި، ރައީސް ޞާލިހުގެ މެދުގައި ބޮޑެތި ޚިޔާލު ތަފާތުވުންތަކެއް އުފެދިފައިވާއިރު އެމްޑީޕީ ތެރެއިން ދަނީ އިދިކޮޅު ޕްރޮގްރެސިވް ކޯލިޝަނާއިވެސް ބައިއަތު ހިފުމުގެ ވާހަކަ ދައްކަމުންނެވެ.
އެމްޑީޕީ ތެރޭގައި ހިނގަމުންދާ ކަންތައްތަކާއި ގުޅިގެން މަލީހު ވިދާޅުވީ މިހާރު އެމްޑީޕީ ތެރޭގައި ކުރިއަށްދަނީ ޑިއާރުޕީން އެމްޑީޕީ ޖަހައި ގަތުމުގެ މަސައްކަތް ކަމުގައެވެ. މަލީހު ސިފަކުރެއްވި ޑީއާރުޕީއަކީ އަލީ އާޒިމްއާއި، ރޮޒޭނާއާއި އަދި ކުރީގެ ޑިއާރުޕީއަށް ނިސްބަތްވާ ބޭފުޅުންނަށް ކަމަށްބެލެވެއެވެ. އެމްޑީޕީ ތެރޭގައި އުފެދިފައިވާ ބައިބައިވުން ހުއްޓުވޭނީ އަސްލު އެމްޑީޕީ މެމްބަރުން ނިކުމެ ޕާޓީ ސަލާމާތް ކޮށްގެންކަމަށް މަލީހު ވިދާޅުވިއެވެ.
ކުރިޔަށް އެދަނީ ޑީއާރުޕީއިން އެމްޑީޕީ ޖަހައިގަތުމުގެ މަސައްކަތް. އެމަސައްކަތުގެ ބޮޑުބައިވަނީ ނިމިފަ. ނިމޭއިރު އެމްޑީޕީ އަކަށްވާނީ ޑީއާރުޕީއާއި އެމްޑީޕީގެ ލީޑަރޝިޕްގެ ތެރެއިން ހިހޫ ތަނުން ކައިގެން ތިބި ބަޔަކާ އެކުވެ އުފެދޭ ފެކްޝަން. އަސްލު އެމްޑީޕީ ތެދުވާންވެއްޖެ.
– މަލީހު ވިދާޅުވިއެވެ.
އެމްޑީޕީ އާއި ޕީޕީއެމް ކޯލިޝަނެއް ބޭނުން ވާކަން ތަކުރާރު ކުރައްވަމުން އެންމެ ރަނގަޅު ގޮތަކީ ރައީސް އަބްދުﷲ ޔާމީންގެ އެހީ ހޯދުން ކަމަށް ކުރީގެ ރައީސް އަދި ރައްޔިތުން މަޖިލީހާއި އެމްޑީޕީގެ ރައީސް ކަން ކުރައްވާ ރައީސް މުހައްމަދު ނަޝިދުގެންދަނީ ތަކުރާކޮށް ވިދާޅުވަމުންނެވެ. ޕީޕީއެމަށް ބަދަލުތަކެއް ގެންނަށް ޖެހޭ ކަމަށް ވެސް އެ މެސެޖްގައި ވިދާޅުވެފައި ވެއެވެ. އެ ބަދަލުތަކަކީ “އިންޑިއާ އައުޓް” ގެ ފަލްސަފާ އާއި ދުރު އަދި “ހިސާން” ބިލަށް ތާއީދު ކުރާ ކުރާ މިއުޒިކަށް ވެސް އެބަސްވާ ބަދަލުތަކެއް ކަމަށެވެ.
އެ ބަދަލުތަކާއެކު ސަރުކާރު ހިންގަން އިދިކޮޅު ޕާޓީ އާއި އެއްބަސް ވެވޭ އެމްޑީޕީ – ޕީޕީއެމް އިއްތިހާދެއް އުފައްދަން ރައީސް ޔާމީންގެ އެހީތެރިކަމަށް އެދެން ޖެހޭ ކަމަށް ވެސް ތަކުރާރު ކުރެއްވި އެވެ. އަދި އެ މެސެޖް ނިންމަވާ ލަމުން ރައީސް ނަޝީދު މެސެޖުގައި ވިދާޅުވެފައި ވަނީ ރާއްޖެ އަށާއި އެމްޑީޕީއަށް އެންމެ ރަނގަޅު ގޮތަކީ ރައީސް ޔާމީންގެ އެހީތެރިކަން ހޯދުން ކަމަށެވެ.
އެމްޑީޕީގެ ޓިކެޓްގައި ރިޔާސީ އިންތިހާބު ކާމިޔާބު ކުރައްވާފައިވާ ނަޝީދުގެ އެންމެ ގާތް އެކުވެރިޔާ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއިއެކު ސިޔާސީ މަސައްކަތް ކުރެވެން ނެތް ކަމަށް ނަޝީދު ވަނީ ވިދާޅުވެފައެވެ. އަދި އޭގެ ފަހުން ތަކުރާރުކޮށް ގެންދަވަނީ ޔާމީނާއިއެކު ސިޔާސީ މަސައްކަތް ކުރައްވަން ޝައުގުވެރިކަން ފާޅުކުރައްވަމުންނެވެ.
