ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް، ރައީސް މުޙައްމަދު ނަޝީދު އަވަހާރަކޮށްލުމަށް ދިން ހަމަލާއާ ގުޅިގެން ރައްޔިތުންގެ މަޖިލީހުގެ ސަލާމަތީ ހިދުމަތްތަކުގެ ކޮމިޓީއިން ކުރިއަށް ގެންދިޔަ އިންކުއަރީގައި އެކުލަވައިލި ރިޕޯޓުގެ ކޮޕީއެއް އެމްޑީޕީގެ ފަރާތުން ނަޝީދުގެ އާއިލާއަށް އަރުވައިފި އެވެ.
މި ރިޕޯޓު ރައީސް ނަޝީދުގެ މަންމާ ފުޅާއި ބައްޕާފުޅަށް އެރުވީ އެމްޑީޕީގެ ޗެއަރ ޕާސަން، ހެންވޭރު ހުޅަނގު ދާއިރާގެ މެމްބަރު ޙަސަން ލަޠީފެވެ. ޙަސަން ލަޠީފަކީ މި ރިޕޯޓު އެކުލަވާލި ކޮމިޓީގެ ނައިބު މުގައްރިރު ވެސް މެއެވެ.
Party ge Raees, Raees @MohamedNasheed avahaara kollan dhin hamalaa aa gulhey gothun hingaafaivaa Security breach thah dhenegathumah @mvpeoplesmajlis ge 241 Committee in ekulavaalaafaiva #InquiryReport ge copy eh @MDPSecretariat in @MohamedNasheed ge aailaa ah aruvaifi. pic.twitter.com/vT58Oryuqi
— MDP Secretariat (@MDPSecretariat) July 14, 2021
ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް އަމާޒުކޮށް ދިން ބޮމުގެ ހަމަލާއާ ގުޅިގެން ރައްޔިތުންގެ މަޖިލީހުގެ 241 ކޮމިޓީން ތައްޔާރުކުރި ރިޕޯޓުގައި މިހާރުވަނީ ރައީސުލްޖުމްހޫރިއްޔާ އާއި އުތަމަފަނޑިޔާރުގެ އިތުރުން ރައީސް ނަޝީދަށްވެސް އަރުއްވާފަ އެވެ.
އަދި މި ރިޕޯޓުގައި ފާހަގަކޮށްފައިވާ ކަންކަމަށް ފަސްނުޖެހި އަވަހަށް ފިޔަވަޅު އެޅުއްވުމަށް ރައީސް ނަޝީދު، ވަނީ އުއްތަމަ ފަނޑިޔާރާއި ރައީސުލްޖުމްހޫރިއްޔާގެ ކިބައިން އެދިވަޑައިގެންފައެވެ.
242 ސޮފްހާގެ މައްޗަށް އެކުލަވާލާފައި ވާ މި ރިޕޯޓުގައި ފާހަގަކުރެވުނު 205 ކަމެއް ވަނީ ހިމަނާފައެވެ. މިއީ ގައުމީ ސަލާމަތާ ގުޅުންހުރި މައުލޫމާތު ހިމެނޭ ރިޕޯޓަކަށް ވާތީ މި ރިޕޯޓްގެ ބައެއް މައުލޫމާތުތަކީ ސިއްރުކޮށްފައިވާ މައުލޫމާތުތަކެވެ.
ކޮމިޓީ ރިޕޯޓް ޖުމްލަ 45 ރިކޮމެންޑާޝަނެއް ހިމެނެއެވެ. މީގެތެރޭގައި ސިފައިން ހަތިޔާރާއެކު ރައީސް ނަޝީދުގެ ގެކޮޅު މޮނިޓަރ ކުރުން ހިމެނެއެވެެ.
241 ކޮމިޓީން ތައްޔާރުކުރި އިންކުއަރީ ރިޕޯޓްގައި ވަނީ ރައީސް މުހައްމަދު ނަޝީދަށް ދިން ހަމަލާއާއި އެމަނިކުފާނަށް ދެއްވަމުންދާ ސެކިއުރިޓީގެ ކަންކަން ދިރާސާކޮށްފައެވެ. އަދި އެކަމާއި ގުޅިގެން ދައުލަތުގެ އިދާރާތަކުން އިސްލާހުކުރަން ފެންނަކަމަށް މަޖިލީހަށް ފެންނަ ކަންކަން މި ރިޕޯޓުގައި ފާހަގަކޮށްފައިވެއެވެ.
