ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ދިރިއުޅުއްވާ ރަސްމީ ގެކޮޅު، މުލިއާގެ ކައިރިއަށް ގޮސް، އެތަން ގޮއްވާލާނެކަމަށްބުނެ އިންޒާރުދިން ދެމީހަކު ހައްޔަރުކޮށްފިއެވެ. އެ ސަރަހައްދުގައި ސަލާމަތީ ބާރުތަކުން އަންނަނީ ހަރަކާތްތެރިވަމުންނެވެ.
މުލިއާގެ ކައިރިއަށް ދެމީހަކު ދަބަހަކާއ ރަތް ކޮތަޅެއް ހިފައިގެން ގޮސް އެތަން ގޮއްވާލާނެކަމަށް ބުނެ އިންޒާރުދީ އަޑުގަދަކުރަން ފެށުމުން، މުލިއާގެ ސެކިއުރިޓީން ވަނީ އެދެމީހުން ހިފަހައްޓާފައެވެ. އަދި ފުލުހުންގެ ޚާއްޞަ ޓީމެއް އެސަރަހައްދަށްގޮސް އެދެމީހުން ގެންގުޅުނު ތަކެތި ފާސްކޮށް، އެމީހުން ހައްޔަރުކޮށްގެންވަނީ ގެންގޮސްފައެވެ.
މިކަމާއި ގުޅިގެން ފުލުހުން ބުނީ، ޓެރަރިސްޓް ހަމަލާއެއް ދޭނެކަމުގެ އިންޒާރުދިން ދިނުމާިއ ގުޅިގެން ފުލުހުން ހަރަކާތްތެރިވަމުން އަންނަކަމަށެވެ. ނަމަވެސް ފުލުހުން އިތުރު ތަފްސީލެއް ނުދެއެވެ.
މެއި މަހުގެ 6 ވަނަ ދުވަހު ރައްޔިތުންގެ މަޖިލީހުގެ ރައީސް މުޙައްމަދު ނަޝީދު އަވަހާރަކޮށްލުމަށް ދިން ހަމަލާއާއި ގުޅިގެން ސަލާމަތީ ޚިދުމަތްތަކުގެ އެލާޓް ލެވެލް ވަނީ މަތިކޮށްފައެވެ. އަދ ޓެރަރިޒަމަށް ހިތްވަރުދޭގޮތަށް ވާހަކަދައްކާ މީހުން ދަނީ ހައްޔަރުކުރަމުންނެވެ.
މުލިއާގެ ކައިރިއަށްގޮސް އެތަން ގޮއްވާލާނެކަމަށް ބުނެ އިންޒާރު ދިން ބަޔަކު ހައްޔަރުކޮށްފައިވާއިރު، އެސަރަހައްދުގެ ސެކިއުރޓީވެސް ފަހަކަށް އައިސް ވަނީ ވަރަށް ބޮޑަށް ވަރުގަދަކޮށްފައެވެ. ރައީސް ނަޝީދަށް ދިން ހަމަލާއަށްފަހު، މުލީއާގޭގެ ވަށައިގެންވާ ސަރަހައްދުގައި މިހާރު ބަހައްޓާފައިވާ ކާނުތައް މަދުކުރުމުގެ މަސައްކަތް އެމްއެންޑީއެފްގެ އެންގުމަށް ދިޓީ ކައުންސިލުން ވަނީ ފަށާފައެވެ.
