ކޯވިޑް-19ގެ ސަބަބުން މުޅި ދުނިޔެއަށް ކުރިމަތިވެފައިވާ ދަތި އުނދަގޫ ހާލު އެންމެ ބޮޑަށް ތަހައްމަލު ކުރަމުންދާ އެއް ގައުމަކީ އިންޑިއާ އެވެ.
މި ވައިރަހުން ރައްކާތެރި ވުމުގެ ގޮތުން ގިނަ ފިޔަވަޅުތައެއް ގައުމު ތަކުގައި ވަނީ އަޅާފައެވެ. އެގޮތުން އިންޑިއާގައި ވެސް ކޯވިޑްގެ ސަބަބުން ގަައުމު ލޮކްޑައުން ކުރުމަށްފަހު މިހާރު އަންނަނީ މަސައްކަތް ކުރެވޭ ވަރަށް ލުއިތަށް ދެމުންނެއެވެ.
ކޯވިޑްގެ ސަބަބުން ބޮލީވުޑްވެސް ވަނީ ގާތްގަނޑަކަށް ހުއްޓުމަކަށް އައިސްފަ އެވެ. އެގޮތުން ޝޫޓިންގ ތަށް މެދުކަނޑާލުމާއި ފިލްމުތަށް ނެރުން ވެސް ވަނީ މަޑު ޖައްސާލާފަ އެވެ.
ކޯވިޑުގެ ސަބަަބުން މުޅި ހަޔާތުގައި ވެސް އެންމެ ކަމުނުދާ އަހަރަކީ މި ނިމިދިޔަ 2020 ކަމަށް ބޮލީވުޑްގެ މަޝްހޫރު ފިލްމީތަރި ކިރްތީ ސެނޮން ވަނީ ބުނެފަ އެވެ. އޭނާ ބުނީ އޭނާގެ އިތުރުން ގިނަބަޔަކަށް އެންމެ ކަމުނުދާ އަހަރަށް ނިމިދިއަ އަހަރު ވާނެ ކަމަށެވެ. އަދި 2020 ގެ މަތިން ހަދާންކުރާން ވެސް ބޭނުން ނުވާކަމަށް ކިރްތީ ބުނެއެވެ. އޭނާވެސް ވަނީ މިދިއަ އަހަރު މިބައްޔަށް ޕޮޒިޓިވްވެ ފަރުވާ ހޯދާފަ އެވެ.
View this post on Instagram
އިތުރަށް ވާހަކަދައްކަމުން ކިރްތީ ބުނެފައިވާ ގޮތުގައި މިދިއަ އަހަރު އެންމެ ބޮޑަށް ދަސްވި އެއް ކަމަކީ، އަބަދު ބިޒީވެގެން އުޅުމުގެ އިތުރުން އާއިލާ އާއެކު ވަގުތު ހޭދަކުރުމުގެ މުހިންމު ކަންކަމަށެއެވެ.
"ހަމް ދޯ ހަމާރީ ދޯ" ގެ ޝޫޓިންގ ނިމުންތަނާ ކަހަލަ ގޮތަކަށް އޭނާ ކޯވިޑަށް ޕޮޒިޓިވް ވި ނަމަވެސް މާ ބޮޑުވަރު ނުވެ ރަނގަޅުވިކަމަށް އޭނާ ވަނީ ބުނެފަ އެވެ. މި ފިލްމުގެ އިތުރުން ކިތްރީގެ "ބޭދިއާ" އަދި "ބައްޗަން ޕާންޑޭ" ވެސް ކުރިއަށް އެބައޮތެވެ.
