ގިން ބައެއްގެ މެދުގައި މަގުބޫލުވި ލަވަ "ފިލްހާލް" އަކީ 2019 ވަނަ ސޯޝަލް މީޑިއާ ކައްކުވާލި ލަވައެކެވެ. އަކްޝޭ ކުމާރާއި އެކު މި ލަވައިން ފެނިގެން ދިއައީ ނުޕުރް ސެނޮންއެވެ. ނުޕުރް ސެނޮން އަކީ މަޝްހޫރު ފިލްމީ ތަރި ކްރިތީ ސެނޮންގެ ކޮއްކޮ އެވެ.
މި ލަވައިގެ ކާމިޔާބީއާއި އެކު މި ލަވަ އުފެއްދި ފަރާތުން މީގެ ސީކުއަލް އެއް އިއުލާން ކުރީ މިދިއަ އަހަރު އެވެ. މިއީ އިންޑިއާގައި ލަވައެއްގެ ސީކުއަލްއެއް ހަދާ ފުރަތަމަ ފަހަރެވެ. އަކްޝޭ ކުމާރު މިއަދު ވަނީ ސޯޝަލް މީޑިއާގައި މި "ފިލްހާލް"ގެ ސީކުއަލް "މޮހައްބަތު"ގެ ފަސްޓް ލުކް ހިއްސާކޮށްފަ އެވެ.
އިންސްޓަގްރާމުގައި ފޮޓޯ ހިއްސާކުރަމުން އަކްޝޭ ބުނެފައިވަނީ މި މަހުގެ 30 ގައި މި ލަވައިގެ ޓީޒާ ރިލީޒް ކުރާނެ ކަމަށެވެ.
ފިލްހާލެކޭ އެއްގޮތަށް އެލަވައިގެ ސީކުއަލް "މޮހައްބަތު" ވެސް ކިޔާފައިވަނީ ބީ ޕްރާކް އެވެ. ލިރިކްސް ހަދާފައިވަނީ ޖާނީ އެވެ.
އަކްޝޭ އާއި ނުޕުރުގެ ދެވަނަ ފެނިލުމުގެ އިންތިޒާރަށް ނިމުން އަންނަ އިރު އަކްޝޭ މިހާރު ވަނީ ޝޫޓިންގ ތަކަށް ނުކުންނަން ފަށާފައެވެ. އެގޮތުން އޭނާ މިހާރު މަސައްކަތް ކުރަމުންދަނީ އާނަންދު އެލް ރާއީ ގެ "ރަކްޝާ ބަންދަން" ގެ ޝޫޓިންގ ގައި އެވެ.
