ޢަލީ ޙުސައިން، ޢަމީރަށް: މިއީ ޤައުމުގެ ހަރުމުދާ ނުއަގުގައި ވިއްކަންވީ ވަގުތެއް ނޫން!

މިއީ ގައުމުގެ ހަރުމުދަލާއި ދައުލަތުގެ ކުންފުނިތައް ނުއަގުގައި ވިއްކަންވީ ވަގުތެއް ނޫންކަމަށް ކެންދޫ ދާއިރާގެ މެންބަރު ޢަލީ ޙުސައިން ވިދާލުވެއްޖެއެވެ.

ޢަލީ ޙުސައިން މިހެން ވިދާޅުވީ، ސަރުކާރުގެ ކުންފުނިތައް ޕްރައިވެޓައިޒް ކުރުމުގެ ޕްރޮގްރާމް މިއަހަރު ނިމުމުގެ ކުރިން ފެށުމަށް އަމާޒުހިފާފައިވާ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވުމާއި ގުޅިގެންނެވެ. ސަރުކާރުން އާމްދަނީ ހޯދަން މި އަހަރަށް ހުށަހަޅާފައިވާ ކަންކަމުގެ ތެރޭގައި ސަރުކާރު ކުންފުނިތައް ޕްރައިވަޓައިޒް ކުރުން ހިމެނޭއިރު ކުންފުނިތަކުގެ ހިއްސާ ވިއްކައިގެން 460 މިލިއަނެއްހާ ރުފިޔާ މި އަހަރު އާމްދަނީގެ ގޮތުގައި ލިބޭނެ ކަމަށް ސަރުކާރުން ލަފާކޮށްފައިވެއެވެ.

މީގެ އިތުރުން  ރާއްޖޭގެ އެއަރޕޯޓް ބޭރުގެ ކުންފުނިތަކުން 100 ހިއްސާވާގޮތަށް ހިންގޭގޮތަށް ސަރުކާރުން ގެނައި އިޞްލާހަށް ބޮޑެތި ފާޑުކިޔުންތަކެއް އަމާޒުވުމާއި ގުޅިގެން އިކޮނޮމިކް މިނިސްޓަރ ފައްޔާޟް އިސްމާޢީލް ވަނީ ރާއްޖޭގެ އެއްވެސް އެއަރޕޯޓެއް ބޭރުގެ ބަޔަކަށް މިސަރުކާރުން ނުދޭނެކަމަށް ވިދާޅުވެފައިވާތީ އެކަމަށްވެސް ޢަލީ ޙުސައިން ރައްދު ދެއްވާފައިވެއެވެ.

އެކަމަށް އިޝާރާތްކުރައްވާ ކެންދޫ ދާއިރާގެ މެންބަރު ޢަލީ ޙުސައިން ވިދާޅުވީ، ރާއްޖެއަށް އިންޑިޔާ ސަރުކާރުން ގެނެސްގެން އުޅޭ ހެލިކޮޕްޓަރުތައް އަނބުރާ ގެންދަން އިންޑިޔާގެ މިލިޓަރީން ދެކޮޅުހެދި ހިސާބުން ދިވެހ ރާއްޖޭގެ މިނިވަންކަމާމެދު ސުވާލު އުފެދިފައިވާކަމަށެވެ. ޢާލީ ޙުސައިން ވިދާޅުވީ،

100% ބޭރުގެ ކުންފުނިތަކަށް، ވަކިން ޚާއްޞަކޮށް އަޅުގަނޑުމެންގެ ގައުމުގެ މަސްލަޙަތާ ސީދާގޮތުން ފުށޫއަރާ ގައުމުތަކުގެ ކުންފުނިތަކަށް ރާއޭޖޭގެ އެއަރޕޯޓުތައް ހިންގަން ދިނުމަކީ ރަނގަޅު ކަމެއްނޫން. އެއީ ގައުމުގެ ސަލާމަތާ ރައްކާތެރިކަމާ ގުޅުންހުރި ސީރިއަސް މައްސަލައެއް

— Ali Hussain (@AleeVoice) June 14, 2021