އެމެރިކާގެ މިނެސޯޓާ ޑިސްޓްރިކްޓްގައި ބަޑިން ހަމަލާ ދީ 2 މީހަކު މަރާލައިފި ކަމަށް ޑިސްޓްރިކްޓްގެ ފުލުހުން ހާމަކޮށްފިއެވެ. އަދި މިހަމަލާގައި އިތުރު 8 މީހަކު ޒަޚަމް ވެފައިވާ ކަމަށްވެސް ފުލުހުން ހާމަ ކޮށްފައި ވެއެވެ.
ޕޮލިހުން މައުލޫމާތު ދީފައިވާ ގޮތުގައި، އަނިޔާވި 7 މީހަކަށް ހޮސްޕިޓަލުގައި ފަރވާ ދެވެމުންދާއިރު، މި 7 މީހުންނަށްވެސް ފުރާނައަށް ނުރައްކާ ވާވަރުގެ އަނިޔާއެއް ލިބިފައެއް ނުވެއެވެ. އެހެންނަމަވެސް، އަނިޔާވި 8 ވަނަ މީހާއަށް ދަނީ އައިސީޔޫގައި ފަރުވާ ދެވެމުންކަމަށާއި އޭނާގެ ހާލު ސީރިއަސްކަމަށްވެސް ފުލުހުން ބުނެފައި ވެއެވެ.
10 victims total. No active threat now. 7 at area hospitals with non-life-threatening injuries. 1 at local hospital in critical & 2 deceased
— Minneapolis Police (@MinneapolisPD) May 22, 2021
މިނިއޭޕޮލިސް ޑިސްޓްރިކްޓުގައި ދީފައިވާ ބަޑީގެ މިހަމަލާ މިހާރު ތަހުގީގު ކުރެވެމުންދާއިރު، މި ސަރަހައްދުގައި މިވަގުތު އާންމުންނަށް އެއްވެސް ނުރައްކަލެއް ނެތްކަމުގައިވެސް ފުލުހުން ވަނީ ހާމަ ކޮށްފައެވެ. އަދި މިހަމަލާގައި ތުހުމަތު ކުރެވޭ މީހުންނަކީ ކޮބައިމެއް، އަދި ހަމަލާ ދީފައިވަނީ ކޮން މަގުސަދެއްގައި ކަމެއްވެސް ޕޮލިހުންގެ ފަރާތުން ހާމަކޮށްފައެއް ނުވެއެވެ.
