އަނިޔާގެ ސަބަބުން މިދިޔަ ސީޒަނު ގެއްލުނު މިޑްފީލްޑަރ ހަސަން ސުފްޔާން (ސޫފީ) ކުލަބް ވެލެންސިޔާއަށް ސޮއިކޮށްފިއެވެ.
މިދިޔަ ދެ ސީޒަނުގައި ފޯކައިދޫއަށް ކުޅުނު މިޑްފީލްޑަރ ސުފިޔާން ކުލަބް ވެލެންސިޔާއަށް ސޮއިކުރީ ތިން އަހަރުދުވަހުގެެ އެއްބަސްވުމެއްގެ ދަށުންނެވެ.
މިދިޔަ އަހަރުގެ ސީޒަން ފެށުމުގެ ކުރިން ބޭއްވި ފަރިތަކުރުންތަކުގައި ލިބުނު އަނިޔާއާއި ގުޅިގެން އޭނާއަށް ވަނީ ސީޒަން ގެއްލިފައެވެ.
ސުފްޔާން ވަނީ ރާއްޖޭގެ 13 އަހަރުންދަުގެ ގައުމީ ޓީމާއި 17 އަހަރުންދަށުގެ ގައުމީ ޓީމާއި 19 އަހަރުންދަށުގެ ޤައުމީ ޓީމާއި 23 އަހަރުން ދަށުގެ ގައުމީ ޓީމުގެ ކެޕްޓަންކަންވެސް ކޮށްފައެވެ. އަދި ވީބީ އައްޑޫ އެފްސީއަށް ފަސް އަހަރު ކުޅުނުއިރު ކުލަބް އީގަލްސްގައި ވެސް އޭނާ އެއް އަހަރު ކުޅުނެވެ. އެއަށްފަހު މިދިޔަ ދެ އަހަރު އޭނާ ކުޅުނީ ފޯކައިދޫއަށެވެ.
ސީޒަނުގައި ވެލެންސިއާއަށް އިރުޝާދު ދޭނީ ތަޖުރިބާކާރު ކޯޗު މުޙައްމަދު އާތިފް (އާތީ)އެވެ. ވެލެންސިޔައިން ވަނީ ގިނަ ކުޅުންތެރިންތަކެއްގެ ސޮއި ހޯދައިފަ އެވެ. އެގޮތުން މިދިޔަ އަހަރު ޓީސީ ކުޅުނު ތަޖުރިބާކާރު ކުޅުންތެރިއާ ގައުމީ ކެޕްޓަން އަކުރަމް އަބްދުލް ގަނީ (އަކޫ) ވަނީ އަލުން ވެލެންސިޔާ ގުޅިފައެވެ. މީގެ އިތުރުން ކީޕަރު ޝަފީއު އާއި ޔޫސުފް ރަމީޒިގެ އިތުރުން ފުހެއިދު ވެސް ވަނީ ވެލެންސިޔާއަށް ސޮއި ކޮއްފައެވެ.
ވެލެންސިއާއާ ގުޅުނު ކުޅުންތެރިންގެ ތެރޭގައި ސްޕެއިންގެ ހަތަރު ވަނަ ޑިވިޝަންގެ ކްލަބެއް ކަމަށްވާ ޔޫޑީ ކެނަލްސް އަށް އެންމެ ފަހުން ކުޅުނު ޒުވާން މިޑްފީލްޑަރު އިސްމާއިލް ޒާން އާމިރު ހިމެނެ އެވެ. ވެލެންސިއާއިން ވަނީ މިދިޔަ ހޮނިހިރު ދުވަހު ފަރިތަކުރުންތައް ފަށާފައެވެ.
