ކުރީގެ ރައީސް އަދި ރައްޔިތުންގެ ޖަމިލީހުގެ ރައީސް މުހައްމަދު ނަޝީދަށް މިދިޔަ ބްރާސްފަތި ދުވަހުރޭ ދިން ޓެރަރިސްޓް ހަމަލާގައި އެމަނިކުފާނަށް ލިބިވަޑައިގެންނެވި ސީރިއަސް ޒަހަމްތަކަށް ފަރުވާދިނުމުގައި ވަރުބަލިކަމެއް، މެދުކެނޑުމެއްނެތި ހަރަކާތްތެރިވި ޑޮކްޓަރުންގެ ޓީމަށް ގިނަބަޔަކު ދަނީ ތަޢުރީފް ކުރަންނެވެ.

ރައީސް ނަޝީދު ބުރާސްފަތި ދުވަހުގެރޭ 20:35 ހާއިރު އޭޑީކޭއަށް ގެންދިޔަ ގޮތަށް އެމަނިކުފާނަށް ފަރުވާ ދިނުމުގައި އެހޮސްޕިޓަލުގެ އެންމެ ތަޖުރިބާކާރު ޑޮކްޓަރުން ދިޔައީ ހަރަކާތްތެރިވަމުންނެވެ. ޖުމްލަ 16 ގަޑިއިރު އެމަނިކުފާނުގެ އޮޕަރޭޝަންތަކަށާއި، ސާޖަރީތަކަށް ހޭދަވިއިރު، މިހާދިސާގައި ޑޮކްޓަރުންގެ ކުރެއްވި މަސައްކަތުގެ ވަރަށް ކުޑަމިންވަރެއް އިއްޔެ ވަނީ ހާމަކޮށްދީފައެވެ. ޑޮކްޓަރުންގެ ވާހަތަކަށް ގިނަ ބަޔަކަށް ސިހުންލިބި، މާޔޫސްކަންވެސް ވެރިވިއެވެ.

ރައީސް ނަޝީދަށް އަމާޒުކޮށް ދިން ހަމަލާގައި އެމަނިކުފާނުގެ ފުރާނައަށް ނުރައްކާނުވީ ހަމަ ކުރިޔާއެވެ. ހަށިގަނޑުގެ އެތައް ތަނަކަށް ޒަހަމަށްތައް ލިބިފައިވާއިރު، ގިނަ އޮޕަރޭޝަންތަކެއް ވަނީ ކޮށްފައެވެ. ޑޮކްޓަރުން ބުނެފައިވަނީ ރައީސް ނަޝީދުގެ ހާލަތު މިވަގުތު ސްޓޭބަލް ކަމަށްވީނަމަވެސް އެމަނިކުފާނަށް ފަރުވާ ދެމުންދަނީ ވަރަށްގާތުން ސީރިއަސް ޕޭޝަންޓެއްގެ ގޮތުގައި ބަލައިގެކަމަށެވެ.

ޑޮކްޓަރުން ބުނިގޮތުގައި އޮޕަރޭޝަންކޮށް ބެލިއިރު، އެ ދަގަނޑުކޮޅު ތެރެއަށް ވަދެގެން ގޮސް މޭގެ ކަށިގަނޑެއްގައި ޖެހި، ކަށިގަނޑަކަށް ވަނީ ގެއްލުންވެފަ އެވެ. އެ ކަށިގަނޑަށް ވުރެ ތަންކޮޅެއް ތިރިން އެ ރޭޒާ ފުށް ދިޔަ ނަމަވެސް އޭތި ގޮސް ވަންނާނީ ހިތަށެވެ. އެފަދަ ހާލަތެއް ކުރިމަތި ނުވި ކަމީ ޑޮކްޓަރުން ވިދާޅުވި ގޮތުން ވަރަށް ބޮޑު ނަސީބެކެވެ. އެކަމަކު ކަށިގަނޑަށް ގެއްލުން ލިބުމުން އޭގެ ކުނޑިތައް ފުއްޕާމެއަށް އެޅިފައި ހުއްޓެވެ. އަދި ފުއްޕާމޭގެ ބައެއް ތަންތަނުގައި ޕެޗް އަޅަން ޖެހުނެވެ.

Very much appreciated by all of us. It was very comforting to see such amazing teamwork under stress. Thank you. ????

— Nash (@i_nashid) May 7, 2021

އެއްވެސް ވަރުބަލިކަމެއްނެތި ޑޮކްޓަރުން 16 ގަނޑިއިރުގެ މަސައްކަތުން ރައީސް ނަޝީދު ވެންޓިލޭޓަރުން ނެގި އަމިއްލައަށް ރަނގަޅަށް ނޭވާލެވޭކަމަށް ޑޮކްޓަރުން ވަނީ ޔަގީން ކުރައްވާފައެވެ. އަދި ކޮންމެވެސް ވާރަކަށް ވާހަކަ ދައްކަވައި ހެއްދެވޭކަމަށްވެސް ޑޮކްޓަރުންވަނީ ބުނެފައެވެ. އޭޑިކޭގެ ޑޮކްޓަރުންގެ ޓީމުން ކުރި ބުރަމަސައްކަތަށް ރައީސް ނަޝީދުގެ އާއިލާގެ ފަރާތުންނާއި، މަޖިލިސް މެމްބަރުންނާއި، އާންމު ގިނަ ރައްޔިތުންވެސް ވަނީ ތައުރީފްކޮށް ޝުކުރު އަދާކޮށްފައެވެ.

No words to describe my gratitude for the care and empathy shown by Dr. @niyaf and the entire medical team who attended to President @MohamedNasheed at @ADKHospital.

❤️

— Eva Abdulla ?❓ (@evattey) May 7, 2021

އޭޑީކޭގެ ޑޮކްޓަރުންގެ ޓީމުން ރައީސް ނަޝީދަށް ފަރުވާ ދެއްވުމަށް ކުރެއްވި މަސައްކަތާއި، ފަރުވާދެއްވި އަވަސްމިނަށް ގިނަބަކަކު ތައުރީފް ކުރަމުންދާއިރު، މިއީ އޭޑިކޭއަށްވެސް ލިބިގެން ގޮސްފައިވާ ވަރަށް ފަހުރުވެރި މަސައްކަތަކަށް ވަނީ ވެފައެވެ. މިފަދަ ނުރައްކާތެރި ހާދިސާއެއްގައި އަނިޔާވާމީހަކަށް، އަދި ޚާއްސަކޮށް ރައީސް ނަޝީދަށް ލިބިފައިވާ ގެއްލުންތަކަށް ބަލައި ފަރުދީފައިވާ ފުރިހަމަކަށްޓަކައި ގިނަ ބަޔަކުވަނީ އޭޑީކޭއަށް ޝުކުރު އަދާކޮށްފައެވެ.