ކަސޯޓީ ޒިންދަގީ 2 ގެ ތަރި ޕާތު ސަމްތާން ބޮލީވުޑަށް ތައާރަފްވާ ފިލްމުގައި އޭނާއާއެކު ފެނިގެންދާނީ އާލިއާ ބަޓެވެ. އޭނާ ވަނީ މި ޚަބަރު ދާދި ފަހުން ދިން އިންޓަވިއުއެއްގައި ޔަގީން ކޮށްދީފަ އެވެ.
އަދި އިތުރަށް ވާހަކަ ދައްކަމުން އޭނާ ބުނެފައިވަނީ އޭނާގެ މި ފިލްމުގެ ޝޫޓިންގ މިއަހަރު ފެށުމަށް ހަމަޖެހިފައި ވާކަމަށެވެ. އޭނަ ބުނެފައިވަނީ މި ފުރުސަތަކީ އޭނާއަށް ލިބުނު އެންމެ ބޮޑު އެއް ފުރުސަތު ކަމަށާއި މި ފުރުސަތުގެ ބޭނުން އެންމެ ހެޔޮގޮތުގައި ހިފުމަށް ބޭނުންވާ ކަމަށެވެ.
އިތުރަށް ވާހަކަ ދައްކަމުން އޭނާ ބުނެފައިވަނީ މި ފިލްމަށް އޭނާގެ 100 އިންސައްތަ ދޭނެކަމަށެވެ. އަދި ފިލްމުގެ ޕްރީ ޕްރޮޑަކްޝަން މިހާރު ފަށާފައިވާކަމަށްވެސް އޭނާ ވަނީ ބުނެފައެވެ.
މީގެ ކުރިން ޚަބަރު ފެތުރިފައިވާ ގޮތުގައި ޕާތު ބޮލީވުޑަށް ތައާރަފްވާނީ އާލިއާއާ އެކުގައި، ސަންޖޭ ލީލާ ބަންސާލީގެ ފިލްމު "ގަންގޫބާއި ކަތިއަވަޅީ" އިންނެވެ.
ނަމަވެސް ޕާތުގެ ފުރަތަމަ ފިލްމު "ޕިހަރްވާ" ގައި ފެނިގެންދާނީ ބާބާ ހަރްބަޖަން ސިންގގެ ދިރިއުޅުމުގެ ވާހަކައެވެ. އެއީ ސިނޯ އިންޑިއަން ހަނގުރާމާގައި އެގައުމުގައި ޝަހީދެއްގެ ލަގަބުދީފައިވާ ފަރާތެކެވެ.
