ވ. ރަކީދޫ ބަނދަރުގެ މަސައްކަތް އެމްޓީސީސީން ނިންމާލައިފި އެވެ.
ރަކީދޫ ބަނދަރު ތަރައްޤީކުރުމުގެ މަޝްރޫޢު ކުރިއަށްގެންދިޔަ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީން ބުނީ މި މަޝްރޫޢުގެ ދަށުން، 5،654 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 11306 ކިއުބިކް މީޓަރުގެ ދޯނި އެހެލާ ސަރަޙައްދު ފުންކުރުމާއި، 198 މީޓަރުގެ ސަރަޙައްދެއްގައި އެއްގަމުތޮށި ލުމާއި، 156 މީޓަރުގެ ސަރަޙައްދެއްގައި ބޭރުތޮށި ލުމާއި، 44 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 594 އަކަ މީޓަރު ސަރަޙައްދެއްގައި ޕޭވްމަންޓް ހަދާފައި ވާނެކަމަށެވެ.
އެ ކުންފުނިން މިމަސައްކަތް ނިންމާލީ މިދިޔަ މާރިޗު މަހުގެ 30 ވަނަ ދުވަހު އެވެ.
We have successfully completed Design and Build of V. Rakeedhoo Harbour project on 30th March 2021. The value of the project is MVR 18.5 million.#MTCCProjects pic.twitter.com/D1b1GPU7lH
— MTCC Plc (@MTCCPlc) April 5, 2021
މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗާގެ ފަރާތުން އެންޓީސީސީ އާ މި މަޝްރޫޢު ހަވާލުކޮށްފައިވަނީ 18.5 މިލިއަން ރުފިޔާ އަށެވެ.
މި މަޝްރޫއުގެ އަމަލީ މަސައްކަތް ފެށީ މިދިޔަ އަހަރުގެ ޖޫން މަހު އެވެ.
