ކަރީނާ ކަޕޫރް ޚާން އޭނާގެ ދެވަނަ ދަރިފުޅު ވިހެއުމަށް ފަހު ދިރިއުޅުމަށް ވަނީ ބޮޑެތި ބަދަލުތަކެއް ގެނެސްފައެވެ. މީގެ ތެރޭގައި އޭނާގެ އިސްތަށިގަނޑަށް ގެނައި ބަދަލު ހިމެނެއެވެ. އެގޮތުން އޭނާވަނީ އޭނާގެ އާ އިސްތަށިގަނޑުގެ ފޮޓޯ ސޯޝަލް މީޑިއާގައި އާންމުކޮށްފަ އެވެ. މި ފޮޓޯތަކަށް ވަނީ ގިނަ ބެލުންތެރިންގެ ސަމާލުކަން ލިބިފައެވެ.
ކަރީނާ ވަނީ އޭނާގެ އިސްތަށިގަނޑު ކޮށާލާ އާ ކުލައެއްވެސް ޖައްސާފައެވެ. މި ހެއަރސްޓައިލް ދައްކާލުމަށް އާންމުކުރި އިރުގެ އަލިކަން އެޅޭ ގޮތަށް ނުވަތަ "ސަންކިސްޑް" މި ފޮޓޯ ވަރަށްވެސް ހިތްގައިމެވެ. ދެވަނަ ދަރިފުޅު ވިހެއުމަށް ފަހު އެންމެ ފަހުން ކަރީނާ ބޭރުތެރޭން ފެނިގެން ގޮސްފައިވަނީ އަންހެނުންގެ ދުވަހުގައި ސައިފް އާއި އެއްކޮށެވެ. މި ދެމީހުން ފެނިފައި ވަނީ އެމީހުންގެ އާ ކާރު ޓެސްޓު ކުރުމަށް ދުއްވާލަން ނުކުމެ އުޅެނިކޮށެވެ.
View this post on Instagram
ކަރީނާގެ މި ފޮޓޯގެ އިތުރުން އޭނާގެ އިސްތަށިގަނޑު ކޮށާލާ، ކުލަ ޖައްސާ މަންޒަރުގެ ވީޑީއޯވެސް ވަނީ އާންމުވެފައެވެ. މި ވީޑިއޯ ހިއްސާ ކޮށްފައިވަނީ ކަރީނާ ކަޕޫރުގެ ހެއާ ސްޓައިލިސްޓް ޔިއާނީ އެވެ. ކަރީނާގެ ވީޑިއޯއިން ބެލުންތެރިންގެ ލޮލުގައި އަޅައިގެންފައިވަނީ އޭނާގެ ޑިޒައިނާ ބޫޓު ކަލެކްޝަނެވެ. އެކި ވައްތަރުގެ ޑިޒައިނާ ބޫޓް ފެންނަ މި ކްލޯސެޓްއަށް ގިނަ ބެލުންތެރިންގެ ސަމާލުކަން ވަނީ ލިބިފައެވެ.
View this post on Instagram
ކަރީނާ އަދި ސައިފް ގެ ދެވަނަ ދަރިފުޅުގެ ނަން އަދި ބެލުންތެރިންނާއި ހިއްސާ ކޮށްފައިނުވާއިރު އެ ދަރިފުޅުގެ ފޮޓޯ ވަނީ މިދިޔަ ހަފްތާގައި އާންމު ކޮށްފައެވެ. އަންހެނުންގެ ދުވަހުގައި ދަރިފުޅުގެ ފޮޓޯ ބެލުންތެރިންނަށް ދައްކާލުމުން އެންމެންވެސް ތިބީ އުފާވެފައެވެ. އަދި އެންމެންވެސް އިންތިޒާރު ކުރަމުންދަނީ މި ދަރިފުޅުގެ މޫނު ފެންނާނެ ދުވަހެއްގެ އިތުރުން ދަރިފުޅުގެ ނަން އެނގޭނެ ދުވަހަކަށެވެ.
