މަންމަ އަކަށް ވުމަކީ އަންހެނެއްގެ ހަޔާތުގައި އަންނަ އެންމެ އުފާވެރި އެއްކަމެވެ. އެހެންނަމަވެސް ވިހެއުމަށް ފަހު ބަރުދަން ލުއި ކުރުމަކީ ވަރަށް ގިނަ މީހުންނަށް އުދަނގޫ ކަމެކެވެ.
ބޮލީވުޑްގެ ތަރި ޝާހިދު ކަޕޫރުގެ އަންހެނުން، މީރާ ރާޖްޕުތު ވަނީ އޭނާ ވިހެއުމަށްފަހު ބަރުދަން ލުއި ކުރިގޮތް ނުވަތަ އޭނާގެ ޑައެޓް ބެލުންތެރިންނާއި ހިއްސާކޮށްފަ އެވެ. އެގޮތުން އޭނާ ބުނެފައިވަނީ މީގެ އެންމެ ބޮޑު ސިއްރަކީ އަޒުމަކާއި އެކުގައި މަސައްކަތް ކުރުން ކަމުގައެވެ.
"އާސްކް މީ އެނީތިން" ސެޝަންއެއްގައި ބެލުންތެރިއަކު ކޮށްފައިވާ ސުވާލަކަށް ޖަވާބު ދެމުން މީރާ ބުނެފައިވަނީ އެންމެ މުހިއްމު ކަމަކީ " ރަނގަޅަށް" ކެއުން ކަމަށެވެ. އެއީ ރަނގަޅު "ޕޯޝަން"އިން ކެއުމެވެ. ދެން އެންމެ މުހިންމު ކަމެއްގެ ގޮތުގައި އޭނާ ފާހަގަ ކޮށްފައިވަނީ ކަސްތަރުކުމެވެ.
2015 ވަނަ އަހަރު މީރާ އާއި އެކްޓަރ ޝާހިދު ކަޕޫރް ކައިވެނި ކޮށްފައިވާއިރު މިހާރު މީރާއަކީ ދެކުދިންގެ މަންމައެކެވެ. އެއީ މީޝާ އަދި ޒޭންއެވެ. ބޮލީވުޑްގެ ތަރިއަކަށް ނުވި ނަމަވެސް މީރާއަކީ އޭނާގެ ދިރިއުޅުމުގެ ކަންތައްތަކާއި އެކިއެކި ވާހަކަތައް ސޯޝަލްމީޑިއާގައި ހިއްސާކުރަމުން އަންނަ ސޯޝަލް މީޑިއާގެ ތަރިއެކެވެ.
View this post on Instagram
މީރާ ބުނެފައިވާ ގޮތުގައި އޭނާ އާއި ޝާހިދު އަރާރުންވެއްޖެނަމަ އެކަމެއްގައި ކުރި ހޯދަނީ އަބަދުވެސް އޭނާއެވެ. އާއިލާއިން އެންމެ ލޯބިވަނީ ކާކުދެކެ ތޯ ކުރި ސުވާލަކަށް ޖަވާބު ދެމުން މީރާ ބުނެފައިވަނީ އޭނާގެ ދައްތަމެން، މަންމަ، ދަރިން، ފިރިމީހާ އަދި އެންމެން ދެކެވެސް ލޯބިވާކަމަށެވެ. އެހެންމަނަމަވެސް އޭނާގެ އެންމެ ފޭވްރިޓްއަކީ އޭނާގެ ބައްޕަކަމަށް މީރާ ވަނީ ބުނެފައެވެ.
