ނޭޝަންސް ލީގު ފުޓްބޯޅަ މުބާރާތުގައި ޗެކްރިބަލިކް މައްޗަށް ކުރި ހޯދާ ސްކޮޓްލޭންޑްއިން ބަލިނުވެ އަށްމެޗު ހަމަކޮއްފިއެވެ.
މި މެޗުގައި ފެނިގެންދިޔަ ހަމައެކަނި ލަނޑު ސްކޮޓްލޭންޑްއިން ކާމިޔާބުކުރީ މެޗުގެ ހަވަނަ މިނިޓުގައި އިނގިރޭސި ކުލަބު ނިއުކާސަލް ޔުނައިޓަޑަށް ކުޅެމުން އަންނަ ރަޔާން ފްރޭޒާއެވެ. ސްކޮޓްލޭންޑްގައި ކުޅުނު މެޗުގެ ދެވަނަ ހާފްގައި ގިނައިރު ބޯޅަ ހިފައިހައްޓައިގެން ގިނަ ހަމަލާތަކެއް އުފައްދާ ޗެކްރިޕަބަލިކުން ވަނީ ބޮޑު ޕްރެޝަރެއް ސްކޮޓުލޭންޑަށް ދީފައެވެ.
މިއީ ބައިކޮޅަށް ގޯލެއް ވައްދާނުލާ ސްކޮޓްލޭންޑުން ވިދިވިދިގެން ނިންމާލި ތިންވަނަ މެޗެވެ. މިއީ 32 އަހަރުގެ ތެރޭގެ ސްކޮޓްލޭންޑް 8 ބަލިނުވެ ހަމަކުރި ފުރަތަމަފަހަރުއެވެ. ސްކޮޓްލޭންޑް އިން އަންނަ މަހު ނުކުންނާނީ ޔޫރޯ ޕްލޭއޯފް ފައިނަލުގައި ސާބިޔާ ދެކޮޅަށެވެ. ރޭގައި މި ގުރޫޕްގައި ސްލޯވާކިޔާ އިން ދެލަނޑުޖަހާ ކުރި ހޯދައިފަވަނިކޮށް މެޗުގެ ދެވަނަ ހާފްގައި ކާމިޔާބު ކުރި ތިން ލަނޑާއެކު އިސްރާއިން ވަނީ މެޗު ކާމިޔާބުކޮށް ގުރޫޕްގައި ކުރިޔަށް ޖެހިލާފައެވެ.
މި ނަތީޖާއެކު ހަތަރު ޕޮއިންޓް ލީޑަކާއެކު 10 ޕޮއިންޓް ހޯދައިގެން ގުރޫޕްގެ އެއްވަނައިގަ އޮތީ ސްކޮޓްލޭންޑެވެ. ދެވަނައިގަވާ ޗެކްރިޕަބްލިކަށް ލިބެނީ 6 ޕޮއިންޓެވެ. ޗެކްރިޕަބިލިކަށް ވުރެ އެއްޕޮއިންޓް މަދުން ހޯދައިގެން އިސްރާއީލް އޮތީ ގުރޫޕްގެ ތިންވަނައިގައެވެ. ގުރޫޕްގެ ފުލުގައިވާ ސްލޮވާކިޔާ އަށް ލިބެނީ އެންމެ ޕޮއިންޓެކެވެ.
