ލީސާ ހޭޑަން ކަސްރަތުކުރުމަށް އާ ކާޑިއޯ މެޝިނެއް އޭނާގެ ފިރިމީހާވަނީ އޭނައަށް ހަދިޔާއަކަށް ދީފައެވެ. އަދި މިއީ އެންމެ "ބެސްޓު" ހަދިޔާކަމަށްވެސް އޭނާ ވަނީ ބުނެފައިއެވެ. މިއާއެކު ލީސާވަނީ އޭނާ ކަސްރަތުކުރާ ވީޑިއޯތަކެއް ބެލުންތެރިންނާއި ހިއްސާކޮށްފަ އެވެ.

ލީސާއަކީ ދެކުދިންގެ މަންމަ އެކެވެ. އަދި މިހާރު އޭނާ އިނީ ތިން ވަނަ ދަރިއަކަށް ބަލިވެއެވެ. އެހެންނަމަވެސް ލީސާއަކީ އަބަދުވެސް ސިއްހަތައް ބަލައިގެން އުޅޭ މީހަކަށްވުމާއެކު ބަނޑުބޮޑުއިރު ވެސް އޭނާ ކަސްރަތުކުރެއެވެ. އެގޮތުން ކޮންމެ ދުވަހަކު މެދު ނުކެނޑި ކަސްރަތު ކުރުމަށްޓަކައި އޭނާވަނީ ގޭގައި ކަސްރަތު ކުރެވޭނެ ގޮތްތައް ހަމަޖައްސާފަ އެވެ.

ލީސާވަނީ އޭނާގެ އާ ސްޕިނިންގް ސައިކަލްގެ އިތުރުން އޭނާ ގޭގައި ކަސްރަތު ކުރާ ވީޑިއޯތައް އިންސްޓްގްރާމުގައި ހިއްސާކޮށްފަ އެވެ. މި ވީޑިއޯގައި ލިސާ ފެނިގެން ދަނީ ހުދު ކުލައިގެ ޓީޝާޓަކާއި ކަޅުކުލައިގެ ސޯޓެއް ލައިގެން ކަޅުކުލައިގެ ބޫޓަކަށް އަރާފައި ހުއްޓައެވެ.

ލިސާގެ ފުރަތަމަ ވީޑީއޯ އިން ފެނިގެން ދަނީ އޭނާގެ ސްޕިނިންގް ސައިކަލްއެވެ. އެގޮތުން ސްޕިނިންގް ސައިކަލް މަތީ އިންނައިރު ކުޑަދޮރުން ބޭރު ފެންނަހެން ޗައިކަލް ބަހައްޓާފައި ހުރިކަން ފާހަގަވެއެވެ. ރަނގަޅަށް މި ވީޑިއޯ ބަލައިފިނަމަ ސްޕިނިން ސައިކަލް ހުރީ އޭނާގެ ފާހާނާގައިކަން އެގިގެންދެއެވެ. މިއީ މުޅިގޭގައިވެސް ސްޕިނިންގް ސައިކަލް ބެހެއްޓޭނެ އެންމެ ރަނގަޅު ޖާގަ ކަމަށް ލީސާވަނީ ބުނެފައެވެ.

ދެވަނަ ވީޑިއޯގައި ފެނިގެން ދަނީ އޭނާ ގެ ކަސްރަތެވެ. އަދި މިއީ އޭނާގެ ފިރިމީހާ އެމީހުންގެ 6 ވަނަ އެނިވާސަރީއަށް ދިން ހަދިޔާއެއްކަމަށް ލިސާ ބުނެފައި ވެއެވެ.