ޔޫއެފާ ނޭޝަންސް ލީގުގަ ރޭ ސްޕެއިން ކުޅުނު މެޗުގައި ޔުކުރެއިން ވާދަކޮށް 1-0 ލަނޑުން ބަލި ވެއްޖެ އެވެ.
މެޗުގައި ސްޕެއިންއިން މޮޅަށް ކުޅުނު ނަމަވެސް ގޯލެއް ޖެހޭ ގޮތް ވަނީ ނުވެފައެވެ. މެޗުގައި ސްޕެއިންނުން ފޮނުވާލި ގިނަ ހަމަލާތަކެއް ޔުކްރެއިންގެ ގޯލްކީޕަރު ޖިއޯޖީ ބުޝްޗަން ވަނީ ދިފާއުކޮއްފައެވެ.
ޔުކްރެއިނުން ލަނޑުޖެހީ މެޗުގައި ލިބުނު ހަމައެކަނި ފުރުސަތުގައި ބަދަލު ކުޅުންތެރިއެއްގެ ގޮތުގައި މެޗަށް ނުކުތް ވިކްޓާ ސުގަންކޯވްއެވެ. ރޭގެ މެޗު ބެލުމަށް 15،000 ސަޕޯޓަރުން ޔުކްރެއިނުން ވަނީ ދަނޑަށް ވައްދާފަ އެވެ.
ރޭގެ ބައްޔަކީ މިދިޔަ ދެ އަހަރެއްހާ ދުވަސް ތެރޭގައި ސްޕެއިން ބަލިވި ފުރަތަމަ ފަހަރެވެ.
ސްޕެއިން އެންމެ ފަހުން ބަލިވެފައި ވަނީ 2018 ވަނަ އަހަރު ކްރޮއޭޝިއާ އަތުންނެވެ. އެ މެޗުން ސްޕެއިން ބަލިވީ 3-2ގެ ނަތީޖާއަކުންނެވެ. ރޭގެ މެޗު ކުޅެފައި ވަނީ ސްޕެއިންއިން 2012 ވަނަ އަހަރުގެ ޔޫރޯ ކާމިޔާބުކުރި ސްޓޭޑިއަމްގައެވެ.
މިނަތީޖާ އެކު ސްޕެއިން އެއްވަނައިގައި އޮތީ ދެވަނައިގައި އޮތް ޖަރުމަނަށްވުރެ ޕޮއިންޓެއް ކުރީގައެވެ. ޔުކުރެއިންއަށްވެސް ޖަރުމަނާ އެއްވަރަށް ޕޮއިންޓް ލިބިފައިވާއިރު، ތިންވަނައިގައި އޮތީ ގޯލް ތަފާތުންނެވެ. ސްޕެއިންއަށް ހަތަރު މެޗުން ލިބިފައި ވަނީ ހަތް ޕޮއިންޓެވެ.
