އެކްޓުރެސް ޝިލްޕާ ޝެޓީ ކުންދުރާ ބުނާގޮތުގައި އޭނާގެ ފިރިމީހާ ރާޖް ކުންދުރާ އަކީ ހިތްހެޔޮ "ރަން ހިތެއް"ގެ ވެރިއެއްކަމަށެވެ. އެކަމުގެ ސަބަބުން އޭނާއަށް ރާޖް ކަމުދިޔައީކަމަށެވެ.
ރާޖް އާއި އެދެމީހުންގެ ދަރިފުޅު ވިއާން ފަޤީރުންނަށް ރަޖާ ބަހާ ވީޑިއޯއެއް ހިއްސާކުރަމުން ޝިލްޕާ ވަނީ ރާޖަކީ އެންމެ ރަނގަޅު ބައްޕަކަމުގައިވެސް ބުނެފައެވެ. އެއާއެކު ލިޔެފައިވަނީ ރާޖްއަކީ ހަމައެކަނި ރަނގަޅު ދަރިއެއް، ބޭބެއެއް އަދި ފިރިއެއް ނޫންކަމަށާއި ރާޖްއަކީ އޭނާގެ ދެދަރިންނަށް އެންމެ ރަނގަޅު ބައްޕަކަމުގަ އެވެ.
އަދި ރާޖް އަކީ ވަރަށް ހިތްހެޔޮ މީހެއްކަމަށާއި ވިއާން އާއި ސަމީޝާ ތަރުބިއްޔަތުކުރަނީ އެންމެ ފުރިހަމަކޮށްކަމަށް ވަނީ ލިޔެފައެވެ. އަދި އަންގާރަ ދުވަހު ރާޖްވެސް ވަނީ ވިއާންއާއި އޭނާ މަގުމަތީ ނިދާ ފަގީރުންނަށް ރަޖާ ބަހާ ވީޑިއޯއެއް ހިއްސާކޯށްފައެވެ.
މި ވީޑިއޯ ހިއްސާކުރަމުން ލިޔެފައިވަނީ ފަގީރުންނަށް އެހީވުމުގެ މުހިންމުކަން ދަރިންނަށް ކިޔައިދޭންޖެހޭކަމަށާއި ތިމާއަށް ލިބޭ އެއްޗެހި ނުލިބޭ މީހުންވެސް އުޅޭކަން އެނގެންވާނެކަމަށެވެ.
(2/2)
Viaan & Samisha are truly blessed to be learning their values from the best!?
Love you!#Gratitude #GivingBack #grateful #blessed #GoodDeeds #fatherson #SoProud— SHILPA SHETTY KUNDRA (@TheShilpaShetty) January 27, 2021
ޝިލްޕާއާއި ރާޖް ކައިވެނިކޮށްފައިވަނީ 2009 ވަނަ އަހަރު ނޮވެމްބަރ މަހު 22 ވަނަ ދުވަހުއެވެ. އެދެމީހުންގެ ކައިވެންޏަށް ވަނީ ދެކުދިން ލިބިފައެވެ. އެއީ ވިއާން އާއި ސަރޯގެސީ އިން ލިބުނު ސަމީޝާ އެވެ.
ރާޖް ކުންދުރާ އަކީ ލަންޑަނަށް ނިސްބަތްވާ އިންޑިއާ ދަރިކޮޅުގެ ވިޔަފާރި ވެރިއެކެވެ.
