ކުޑައިރުއްސުރެ އެކުގައި އުޅުމަށްފަހު ވަރުން ދަވަން އާއި ލޯބިވެރިޔާ ނަތާޝާ ދަލާލް އިއްޔެ ވަނީ ކައިވެނިކޮށްފަ އެވެ. ކޮވިޑް-19 ގެ ސަބަބުން ފަސްކުރި ކައިވެނި މަދު ބަޔަކު ބައިވެރި ކޮށްގެންވެސް ވަަރަށް ކުލަގަދަކޮށް ވަނީ ބާއްވާފައެވެ.
ވަރުން އާއި ނަތާޝާގެ ކައިވެނި އޮތީ އަލީބާގްގަ އެވެ. ރައްޓެހިންނާއި އާއިލާ އާއި ހާޒިރުވި މި ކައިވެޏަކީ ދެފަރާތު އާއިލާގެ ރުހުމާއި އެކު ކުރެވުނު ކައިވެންޔެކެވެ. އިންޑިއާގެ ސަގާފަތްތަކުގައި އޮންނަހެން މި ކައިވެނީގެ ހަފްލާތައް ފެށިގެން ދިއައީ މިމަހުގެ 22 ގައިއެވެ. ދެފަރާތު ގެ އާއިލާ އަލިއުބާގް ގެ ފަސްތަރީގެ ހޮޓެލް އެއް ކަމުގައިވާ މެންޝަން ހައުސް އަަށް ވަނީ އެދުވަހުން ފެށިގެން އަންނަމުން ދިޔައެވެ.
މީގެ ކުރިން ރިޕޯޓްތަށް ބުނެފައިވާގޮތުގައި މި ކައިވެންޏަށް ހާޒިރު ވާއިރު ފޯނު ވެއްދުން ނަތަޝާ ވަނީ މަނާ ކޮށްފައިއެވެ. ސަބަބަކީ ކައިވެނީގެ އެއްވެސް ފޮޓޯއެއް ލީކް ވާން ބޭނުން ނުވާތީއެވެ.
ކަން މިހެން އޮތް ކަމުގައި ވިޔަސް މި ކައިވެނީގެ ސަންގީތު ސެރަމޮނީގެ ބައެއް ފޮޓޯ އާއި ވީޑިއޯ ވަނީ ސޯޝަލް މީޑީއާ ގައި ދައުރު ވެފައިއެވެ. މީގެ ސަބަބުން ގިނަބަޔަކު ވަނީ މި ކައިވެނީގެ ފޮޓޯތަށް ބަލާލުމަށްޓަކައި ކެތް މަދުވެފައިއެވެ. ރޭގެ ވަގުތެއްގައި ވަރުން ސޯޝަލް މީޑިއާއަށް ދޫކޮށްލި ފޮޓޯތަކާއެކު ވަރުންގެ ގިނަ ފޭނުން ވަނީ ޝުޢޫރުތަކާއި މަރުހަބާގެ މެސެޖްތައް ބަންޑުންކޮށްލާފައެވެ.
‘ޕިންކްވިލާ’ އިން ރިޕޯޓުކޮށްފައިވާ ގޮތިގައި، ވަރުން އާއި ނަތާޝާ ހަނީމޫނަށް ދާނީ ތުރުކީ އަށެވެ. އެހެން މަސްދަރަކާ ހަވާލާދީ އެ ނޫހުން ލިޔެފައިވާ ގޮތުގައި، ވަރުންގެ ދެމަފިރިން ހަނީމޫން ހޭދަކުރަން ނިންމާފައިވަނީ ތުރުކީގެ އިންތަންބުލްގައި ހުންނަ ސިރަގަން ޕެލަސް ކެމްޕިންސްކި ހޮޓެލް ގައެވެ. އެއީ މުޅި ދުނިޔޭގައި ހުރި އެންމެ ރީތި ހޮޓެލްތަކުގެ ތެރޭގައި ހިމެނޭ 5 ތަރީގެ ހޮޓެލެކެވެ. އަދި އެންމެ އަގުބޮޑު ހޮޓެލްތަކުގެ ތެރޭވެސް މިތަން ހިމެނޭ ކަމަށް އެ ނޫހުން ބުނެއެވެ.
ކޮމެންޓު ފޮނުވާ